पारस र मेहबुब आज सिंगापुर जाँदै, मुरलीधरन लगायत स्टार खेलाडीहरुसंग खेल्ने

• विकेटनेपाल, २५ साउन

सिंगापुरमा अगस्ट ११ देखि १३ सम्म आयोजना हुने पाँचौ सिंगापुर क्रिकेट क्लब इन्टरनेसनल टि-२० क्रिकेट प्रतियोगितामा खेल्न पारस खड्का र मेहबुब आलम आज सिंगपुर प्रस्थान गर्दैछन् l

आज दिउसो १ बजे त्रिभुवन विमानस्थलबाट पारस र मेहबुब सिंगापुर प्रस्थान गर्ने क्रिकेटर मेहबुब आलमले विकेटनेपाललाई जानकारी गराएका छन् l सिंगापुर क्रिकेट क्लबको आयोजनामा हुने प्रतियोगितामा दुवै नेपाली क्रिकेटर सिंगापुर इमर्जिंग स्टार टिमबाट खेल्नेछन् l

बिश्वभरका ८ वटा टिमले सहभागिता जनाउने प्रतियोगितामा अस्ट्रेलियाबाट सिड्नी क्रिकेट क्लब र मेलबर्न क्रिकेट क्लब, दक्षिण अफ्रीकाको रोलिन क्रिकेट क्लब, श्रीलंकाको सिंहालिज स्पोर्ट्स क्लब, हंगकंगको काउलुन क्रिकेट क्लब, भारतको  मद्रास क्रिकेट क्लब तथा सिंगापुरको सिंगापुर क्रिकेट क्लब र सिंगापुर इमर्जिंग स्टार खेल्ने छन् l

आईपीएल खेलीसकेका शदाब जकाती र बालचन्द्र अखिल पनि पारस र मेहबुब संगै सिंगापुर इमर्जिंग स्टार टिमबाट खेल्ने छन् l टिममा सिंगापुर रास्ट्रिय क्रिकेटर चेतन सुर्यबंशी, धर्मीचन्द मुलेवा लगायत खेलाडीहरु छन् l

श्रीलंकन कीर्तिमानी बलर मुथैया मुरलीधरन पनि स्थानीय टिम सिंगापुर क्रिकेट क्लबबाट प्रतियोगिता खेल्ने छन् l सोहि टोलिबाट अर्का श्रीलंका क्रिकेटर फर्बेज महरुफ तथा अस्ट्रेलियन क्रिकेटर एड कोवान पनि खेल्ने निश्चित भइसकेको छ l यस्तै श्रीलंकाको सिंहालिज स्पोर्ट्स क्लबमा श्रीलंकाको लागि खेलीसकेका दासुन शानाका, थिलिना कान्दामबे, जेफ्रे भान्डर्से, धम्मीका प्रसाद, सचित्रा सेनानायके लगायत खेलाडी खेल्ने पक्का भइसकेको छ l

हंगकंगको काउलुन क्रिकेट क्लबमा ७ जना हंगकंग रास्ट्रिय क्रिकेटर रहने बताईएको छ l वकास बर्कातको कप्तानी तथा बाबर हयात, निजाकत खान, लगायत हंगकंग रास्ट्रिय क्रिकेटरहरु सहभागी हुनेछन् l

पाँचौ पटक आयोजना हुन लागेको प्रतियोगितालाई आईसीसीले र सिंगापुर क्रिकेट एसोसियसनले पनि आधिकारिकता दिईसकेको छ l

प्रतियोगितामा सहभागी ८ टिमलाई २ समुहमा बिभाजन गरिएको छ l पारस र मेहबुब खेल्ने टिम सिंगापुर इमर्जिंग स्टार टिम समुह ‘बि’ मा रहेको छ l उक्त समुहमा सिंहालिज स्पोर्ट्स क्लब, मेर्लबर्न क्रिकेट क्लब, काउलुन क्रिकेट क्लब ( हंगकंग ) रहेका छन् l

सिंगापुर इमर्जिंग स्टार टिमले आफ्नो पहिलो खेल ११ अगस्ट शुक्रबार सिंहालिज स्पोर्ट्स क्लबसंग खेल्ने छ l अगस्ट १२ मा टिमले मर्लबर्न क्रिकेट क्लब र काउलुन क्रिकेट क्लबसंग एकै दिन २ वटा खेल खेल्नेछ l

समुहको उत्कृस्ट २ टिम सेमीफाइनलमा प्रवेश गर्नेछ l सेमीफाइनल र फाइनल खेल अगस्ट १३ मा हुनेछ l

खेल तालिका ( सिंगापुर इमर्जिंग स्टार टिम )

११ अगस्ट : बिरुद्ध सिंहालिज स्पोर्ट्स क्लब

१२ अगस्ट :  मेर्लबर्न क्रिकेट क्लब ( स्थानीय समय बिहान ११:४५ बजे ) 

१२ अगस्ट : काउलुन क्रिकेट क्लब ( हंगकंग ) ( स्थानीय समय दिउसो ३ बजे )  

प्रतियोगिताको बिजेता टिमले ५,००० अमेरिकी डलर र उपविजेता टिमले २ हजार अमेरिकी डलर पुरस्कार पाउनेछ l यस्तै धेरै छक्का प्रहार गर्ने, उत्कृस्ट क्याच लिने, उत्कृस्ट फिल्डर, उत्कृस्ट बलर/ब्याट्सम्यानले०० अमेरिकी डलर पाउनेछ l प्रतियोगिताको उत्कृस्ट खेलाडीले १,५०० अमेरिकी डलर पुरस्कार पाउनेछ l