नेपाली राष्ट्रिय टिमका नि-वर्तमान कप्तान पारस खड्काले टि-१० लिग खेल्ने भएका हुन् । राष्ट्रिय टिमको कप्तानीबाट राजिनामा दिएका पारसले अर्को महिना संयुक्त अरब इमिरेट्समा हुने फ़्रेञ्चाइज लिग टि-१० लिग खेल्ने भएका हुन् । यद्दपी उनको राजिनामा भने स्वीकृत भैसकेको छैन ।
यसका साथै पारस नेपालको तर्फबाट बिदेशी लिग खेल्ने तेस्रो खेलाडी बनेका छन् । यसअघि सन्दीप लामिछानेले विश्वका धेरै लिगहरु खेलिरहँदा सोमपाल कामिले पनि ग्लोबल टि-२० क्यानडा लिगमा सहभागी भएका थिए ।
नेपाली राष्ट्रिय टिमका मेरुदण्ड रहेका पारसले किन बिदेशी लिगहरु खेल्दैनन भन्ने जनमानसमा प्रश्न रहेका थिए । तर उनले यसलाई चिर्दै कप्तानी त्याग्ने घोषणा गरेको केहि समयमा आबद्द भएका हुन् । उनि अबुधाबी टिमबाट खेल्नेछन् ।
आगामी नोभेम्बर १५ देखि २४ तारिखसम्म हुने प्रतियोगितामा पारसलाई टिमले ड्राफ्ट अघि नै अनुबन्ध गरेको छ । यसबाट पारसले १० हजार अमेरिकन डलर प्राप्त गर्ने बताईएको छ । उनलाई अनुबन्धन गरेको जानकारी अबुधाबीले सामाजिक सञ्जालबाट दिएको छ ।
यसअघि नै नेपालका अर्का खेलाडी सन्दिप लामिछाने कर्नाटका टस्कर्समा आबद्द भईसकेका छन् । उनलाई कर्नाटकाले ड्राफ्टको ‘ए’ क्याटेगोरीबाट लिएको थियो ।
पारसको टिममा आइकन खेलाडीको रुपमा इंग्ल्याण्डका मोईन अली रहेका छन् । त्यस्तै पाकिस्तानका मोहम्मद आमिर, श्रीलंकाका निरोशन डिकेविल्ला रहेका छन् । युएईका रोहण मुस्तफापनि यसैमा छन् ।
