१ मंसिर, रौतहट
रौतहटमा संचालित प्रदेश २ स्तरीय वाई वाई यु-१९ एकदिवसिय छनौट प्रतियोगिताको पाचौ दिन पर्साले सप्तरीलाई ८ विकेटले तथा महोतरीले सिरहालाई ५ विकेटले पराजित गरेको छ ।
गौरको मिल्स मैदानमा भएको खेलमा सप्तरीले टस जिती पहिलो ब्याटिंग गर्दै निर्धारित ५० ओभरको खेलमा ३७ ओभर ४ बलमा सम्पूर्ण विकेट गुमाई १ सय १७ रनमै समेटिएको थियो । सप्तरीका लागि अमित यादवले २९ र अमित मण्डलले १८ रन बनाए भने अभिषेक कार्कि नटआउट रहि १५ रनको योगदान दिए । बलिंग तर्फ पर्साका समशाद मन्सुरीले ४, सोनु शर्मा २ तथा अनुज चौहान र अलफाज मन्सुरीले सामान १ विकेट लिए।
१ सय १८ रनको झिनो लक्ष्य लिई मैदानमा ओर्लेको पर्साका सन्तोष कार्किले उत्कृष्ट ब्याटिंग गरेपछि उक्त लक्ष्य सजिलै १५ ओभर २ बलमा २ बिकेटकै नोक्सानीमा भेटायो । प्लेयर अफ द म्याच घोषित सन्तोषले नटआउट रहि ५१ बलमा ७ छक्का र ४ छक्काको मद्धतले ७५ रनको योगदान दिए भने अशव हुसैन नटआउट रहि १६ रनको योगदान दिए । बलिंग तर्फ सप्तरीका बिवेक यादव र अजय यादवले सामान विकेट लिए।
बुधवारनै पिप्रा मैदानमा सम्पन्न अर्को खेलमा सिरहाले टस जिती पहिलो ब्याटिंग गर्ने निर्णय गर्दै निर्धारित ३५ ओभरको खेलमा २१ ओभर ४ बलमा सम्पुर्ण विकेट गुमाई ८९ रनमै समेटियो । सिरहाका लागि सोमन गहतराज ३७ र शैलेन्द्र साह १३ बाहेक कुनै पनी ब्याट्सम्यानले दोहोरो अंक छुन सकेका थिएन । बलिंग तर्फ महोतरीका पुरज ढुंगेलले ७ ओभरमा १ मेडन सहित १३ रन दिई महत्वपुर्ण ५ विकेट लिए भने जेम्स मण्डल ३ तथा बिधान गोश्वामी र मो युसुफ अलीले सामान १ विकेट लिए।
९० रनको झिनो लक्ष्य लिई मैदानमा ओर्लेको महोतरीले उक्त लक्ष्य २५ ओभर ३ बलमा ५ बिकेटको नोक्सानीमा भेटायो । महोतरीका लागि सनम मण्डलले २८ र अरुण मण्डलले नटआउट रहि २० रन बनाए भने सुरेश कुमार मण्डलले १८ रनको योगदान दिए। बलिंग तर्फ सिरहाका प्रदिप पासवानले ३ तथा कुश मण्डल र एरुदिन राइनले सामान १ विकेट लिए ।
खेलको म्यान अफ द म्याच महोतरीका पुरज ढुंगेल घोषित भए।
प्रतियोगिता अन्तर्गत छैठौं दिन अर्थात बिहिवार बारा र धनुषा बिच तथा सिरहा र सर्लाहि बिच हुनेछ ।