प्रदेश-२ यु १९ छनोट : चौथो दिनको खेलमा पर्सा र रौतहट विजयी

३० कार्तिक, गौर

रौतहटमा संचालित प्रदेश २ स्तरीय वाई वाई यु १९ एकदिवसिय छनौट प्रतियोगिताको चौथो दिन पर्साले धनुषालाई ५० रनले तथा रौतहटले महोतरीलाई ६ विकेटले पराजित गरेको छ ।

पिप्रा मैदानमा भएको खेलमा पर्साले टस जिति पहिलो ब्याटिंग गर्ने निर्णय गर्दै निर्धारित ५० ओभरको खेलमा ३० ओभर २ बलमा सम्पुर्ण विकेट गुमाई १ सय ५४ रनको योगफल तयार  पारेको थियो । पर्साका लागि अलफाज मंसुरीले ३६, असाव हुसैन २२, तथा इमरान शेख र समिर अख्तरले सामान १४ रनको योगदान दिए । बलिंग तर्फ धनुषाका अभिजित मण्डलले ३, तथा रोहन यादव, मयन यादव र सायमन रायले सामान २ विकेट लिए।

१ सय ५५ रनको लक्ष्य लिई मैदानमा ओर्लेको धनुषा २८ ओभर ५ बलमा सम्पुर्ण विकेट गुमाई १ सय ४ रनमै समेटियो । धनुषाका लागि बिक्रान्त यादव २१, सायमन राय २० तथा नयन यादवले १८ रनको योगदान दिए । बलिंगतर्फ पर्साका सोनु शर्माले ४ तथा समसाद मन्सुरी र अनुज चौहानले सामान २ विकेट लिएका थिए ।
खेलको म्यान अफ द म्याच पर्साका सोनु शर्मा घोषित भए।

आजै गौरको मिल्स मैदानमा भएको अर्को खेलमा महोतरीले टस जिती पहिलो ब्याटिंग गर्दै निर्धारित ५० ओभरको खेलमा ३२ ओभर ४ बलमा सम्पूर्ण विकेट गुमाई १ सय ५ रनमै समेटिएको थियो । महोतरीका लागि अरुण मण्डलले ३५ बलमा ६ चौका मद्धतले अविजित रहि ५३ रनको योगदान दिएका थिए भने मण्डल बाहेक अभिशेक तिवारी १३ रनले मात्र दोहोरो अंक छोए । बलिंगतर्फ रौतहटका राजेश यादव, नरेश साह र सन्नी साहले सामान ३ विकेट लिए।

१ सय ६ रनको लक्ष्य लिई मैदानमा ओर्लेको रौतहटले उक्त लक्ष्य २८ ओभरमा ४ विकेटको नोक्सानीमा भेटायो। रौतहटका लागि राज पटेल र करन साहले अविजित रहि क्रमश ३३ र २० रनको योगदान दिए भने अचल चौधरीले २५ रनको योगदान दिए । बलिंग तर्फ महोतरीका जेम्स मण्डलले २ तथा अफजल मंसुरले १ विकेट लिए।

खेलको म्यान अफ द म्याच रौतहटका नरेश साह घोषित भए।

प्रतियोगिता अन्तर्गत पाँचौ दिन अर्थात बुधवार पर्सा र सप्तरी तथा सिरहा र महोतरी बिच हुनेछ ।





थप समाचार

पाँचपोखरी टी-ट्वान्टी : इन्द्रावतीको पहिलो जित, भोटेचौरको लगातार दोश्रो जित

काठमाडौं । पाँचपोखरी थाङ्गपाल गाउँपालिका खेलकुद विकास समितिको आयोजना तथा सिन्धुपाल्चोक जिल्ला क्रिकेट संघ र पांचपोखरी क्रिकेट क्लब को प्राबिधिक […]

डिसिएल : दिपेश चम्किंदा टाइगर्स विजयी, तुलसीपुरको जितमा अमर उत्कृष्ट

काठमाडौं । दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत मंगलबार सम्पन्न खेलमा तुलसीपुर रोयल्स र घोराही टाइगर्स विजयी […]

निकोलको अलराउन्ड प्रदर्शनमा नामिबियाद्वारा नेपाल पराजित

काठमाडौं । जेन निकोलको कीर्तिमानी शतक तथा उत्कृष्ट बलिङको सहयोगमा नामिबियाले नेपाललाई पराजित गरेको छ । टियु क्रिकेट मैदान कीर्तिपुरमा […]

निकोलको कीर्तिमानी शतकमा नेपाललाई २ सय ७ रनको लक्ष्य

काठमाडौं । जेन निकोलको कीर्तिमानी शतकको सहयोगमा नामिबियाले नेपाललाई जितका लागि २ सय ७ रनको लक्ष्य दिएको छ । टियु […]

नेपालले टस हार्यो, ललित बेन्चमा

काठमाडौं । नेपालले नामिबियाविरुद्धको खेलमा टस हारेको छ । टियु क्रिकेट मैदानमा नामिबिया कप्तान जेजे स्मिथले टस जितेर ब्याटिङ रोजेपछि […]

त्रिदेशिय टी-ट्वान्टी सिरिज आजबाट, नामिबिया र नेपाल भिड्दै

काठमाडौं । आज(मंगलबार) बाट नेपाल, नेदरल्यान्ड्स र नामिबिया सम्मिलित त्रिदेशीय टी-ट्वान्टी सिरिज सुरु हुदैछ । सिरिजको पहिलो खेलमा नामिबिया र […]