- विकेटनेपाल, पुष १४ , शनिवार
आयरल्याण्डका स्टार क्रिकेटर पल स्टरलिङ्गलाई बंगलादेश प्रिमियर लिग (बिपिएल) टिम खुल्ना टाईटन्सले अनुबन्ध गरेको छ।
२०१९ जनवरी ५ देखि सुरु हुने बंगलादेश प्रिमियर लिगमा खुल्नाबाट खेल्ने निल ओब्रायन पछि स्टरलिङ्ग दोश्रो आइरिस क्रिकेटर हुन्। नेपाली लेग स्पिनर सन्दीप पनि लिगमा सिलेट सिक्सर्सबाट खेल्दै छन्, जो बिग ब्यासको आगामी खेल खेलेर जनवरी २ तारिखमा बंगलादेश प्रस्थान गर्नेछन्।
आयरल्याण्डको लागि १०० एकदिवसीय खेलिसकेका २८ वर्षीय स्ट्रलिङ बंगलादेशमा खेल्न पाउनुमा खुसी व्यक्त गर्दै टिम प्रशिक्षक माहेला जयवर्दनेसंग काम गर्न पाउनु ठुलो अवसर भएको बताएका छन् ।
➡️ NEWS: Paul Stirling to join the Bangladesh Premier League in January — https://t.co/vXDcIP2WgA #BackingGreen pic.twitter.com/j7GcffWt4T
— Cricket Ireland (@Irelandcricket) December 28, 2018
“खुल्नाले म माथि रुचि देखाएको सुन्दा म प्रसन्न भए। प्रतियोगिता खेल्नु बाहेक म प्रशिक्षक माहेला जयवर्दनेसंग काम गर्ने अवसरको लागि उत्साहित छु। उनि (जयवर्दने) पछिल्लो २० बर्ष श्रीलंकाका सबैभन्दा महान क्रिकेटर हुन्।”
गत हफ्ता नेपालमा सम्पन्न एभरेस्ट प्रिमियर लिगमा चितवन टाईगर्सको लागि खेलेका स्टरलिङ्गले नेपालमा क्रिकेट खेल्दाको अनुभव आँखा खोल्ने खालको रहेको बताए। “नेपालको अनुभव जहाँबाट म भर्खरै फर्केको छु त्यो आँखा खोल्ने खालको थियो। नेपाल त्यो देश जुन प्राय हाम्रो मस्तिस्कमा क्रिकेटको दृस्टीकोणले माथि रहँदैन त्यहाँ क्रिकेटको लागि गजबको उत्साह देखिनु क्रिकेटको भविस्यको लागि प्रोत्साहनजनक छ ।”
स्टरलिङ्गको टिम चितवन टाइगर्स एभरेस्ट प्रिमियर लिगको प्ले-अफ चरण प्रवेश गरेको थियो। टिमको लागि उनले ६ खेलमा कुल १५७ रन बनाएका थिए भने ३ विकेट समेत लिएका थिए। लिगमा आयरल्याण्डका अर्का खेलाडी केभिन ओ’ब्रायन पनि काठमाडौँ किंग्स-११ बाट खेलेका थिए ।
विश्वभर टि-२० क्रिकेट प्रतियोगिता आयोजना हुनुलाई स्ट्रलिङ यसरी लिन्छन्-
“टि-२० क्रिकेट प्रतियोगिताहरु विश्वभर उदाउनुले अन्तर्राष्ट्रिय क्रिकेट जगतमा नयाँ आयाम ल्याएको छ। खेल्न र अभ्यास गर्ने मौका तथा क्रिकेटको महान खेलाडीहरुबाट सिक्ने अवसरलाई म हल्कासंग लिन्न। क्रिकेट भन्दा बाहेक पनि विभिन्न देशको संस्कृतिको झल्को देख्न तपाईले पाउनुहुन्छ।”
आयरल्याण्डको लागि ओपनिंग ब्याटिङ गर्ने स्ट्रलिङले कुल १०० एक दिवसीय अन्तर्राष्ट्रिय र ५२ टि-२० अन्तर्राष्ट्रियको अनुभव बटुलेका छन्। बिष्फोटक ब्याटिंगका लागि चिनिने स्ट्रलिङको नाममा ३३४६ एकदिवसीय तथा ११८१ टि-२० अन्तर्राष्ट्रिय रन रहेको छ।
( समाचार श्रोत – क्रिकबज )
