कर्णाली प्रदेशलाई पराजित गर्दै लगातार दोश्रो जितको साथ लुम्बिनी प्रदेश धनगढीमा जारि प्रधानमन्त्री कप महिला राष्ट्रिय टि-ट्वान्टी प्रतियोगिताको समुह ‘ए’ बाट सेमीफाइनल प्रवेश गरेको छ। पहिलो खेलमा लुम्बिनीले बागमती प्रदेशलाई ७ विकेटले पराजित गर्यो। कर्णालीको यो दोश्रो हार हो जो पहिलो खेलमा प्रदेश-१ संग १६० रनले पराजित भएको थियो।
फाप्ला मैदानमा सम्पन्न खेलमा कर्णालीले दिएको १८ रनको सामान्य लक्ष्य लुम्बिनीले। हुस्सुको कारण खेल ढिला भएकाले ६ ओभरमा झारिएको थियो। लुम्बिनीको लागि लक्ष्मी चौधरीले १२ तथा नेरी थापाले ५ रन बनाईन्।
यस अघि टस जितेर ब्याटिंग रोजेको कर्णाली प्रदेशले निरधारित ६ ओभरमा ३ विकेट क्षेतीमा १७ रन बनाएको थियो।
कर्णालीको लागि कप्तान आयुषा टन्डन र दिक्ष्या पुरीले समान ७ रन योगदान दिए। दुवैले चौंथो विकेटको लागि अविजित ११ रनको साझेदारी गरे। लुम्बिनीको बलिंगमा सुष्मिता भुषालले २ ( २-१-३-२ ) तथा नेरी थापाले १ विकेट ( २-०-६-१ ) हात पारिन्।
समुह ‘ए’ अन्तर्गत आजै हुने प्रदेश-१ र बागमती प्रदेश बीचको खेलमा प्रदेश-१ विजयी भए सेमीफाइनल पुग्नेछ।