प्रधानमन्त्री राष्ट्रिय एकदिवसिय (पिएम) कप प्रतियोगिता नेपाल क्रिकेट संघ (क्यान) ले डिसेम्बर अन्तिमदेखि सुरु गर्ने तयारी गरेको छ ।
कोरोना महामारीसँगै ९ महिनादेखि शून्य नेपाली क्रिकेटलाई पिएमकप मार्फत फर्काउन खोजेको अध्यक्ष चतुरबहादुर चन्दले जानकारी दिए । क्यानको योजना अनुसार पिएम कप सुरु हुन डेढ महिना बाँकी रहँदा औपचारिक रुपमा कुनै तयारी भने थालेको छैन । यो अवस्थामा क्यानले सिधै प्रदेश छनोट गर्ने तयारी गरिरहेको बुझिएको छ ।
जिल्ला छनोट कोरोना महामारीको कारण नहुने सम्भावना छ । पिएम कपमा ७ प्रदेश र तीन विभागीय टोली गरी कुल १० टोलीबीच प्रतिस्पर्धा हुने छ । जसमा दुई समूहमा पाँच–पाँच टोली विभाजन गरिने छ । दुइ समूहका शीर्ष दुई दुई टोली सेमिफाइनलमा भिड्ने छन् ।
राष्ट्रिय खेलकुद परिषद् (राखेप) ले पिएमकपको लागि ४० लाख रुपैयाँ छुट्याएको छ । अन्य रकम क्यानले प्रायोजनबाट उठाउनुपर्ने हुन्छ । ओडिआई मान्यता देश नेपालको पिएमकप एकमात्र राष्ट्रिय एक दिवसिय प्रतियोगिता हो ।
सुनसरीको इनरुवामा मनोमहन मेमोरियल एक दिवसिय प्रतियोगिताले अझै राष्ट्रिय प्रतियोगिताको मान्यता पाईसकेको छैन ।
क्यान निलम्बनमा हुँदा राखेपले पिएमकप सन् २०१७ देखि सुरु गरेको थियो ।
पहिलो संस्करणको फाइनल वर्षाको कारण प्रभावित हुँदा उपाधि नेपाल आर्मी र नेपाल पुलिस क्लबले संयुक्त रुपमा बाँडेका थिए । दोस्रो संस्करण २०१८ को फाइनलमा एपिएफले आर्मीलाई ६ विकेटले हराउँदै उपाधि जितेको थियो । तेस्रो संस्करण २०१९ मा पुलिसले आर्मीलाई ४ विकेटले हराउँदै उपाधि जितेको थियो ।
यस अघिका तीन संस्करणमा क्यान नहुँदा पिएम कपको लागि जिल्ला र प्रदेश छनोट भने हुन सकेको थिएन ।
उपाधि विजेताले २० लाख र उप विजेताले १० लाख रुपैयाँ प्राप्त गर्दै आएका छन् ।
( साभार – रेडियो नेपाल )
यो पनि पढ्नुस
https://wicketnepal.com/band-prashikshn-tayari-pura-wn20/
https://wicketnepal.com/national-team-fitness-trainer-aashaya-hatkar-wn20/
https://wicketnepal.com/nepal-odi-manyata-2023-samma/
