प्रधानमन्त्री कप : एपीएफ र प्रदेश-१ विजयी, अंकितको पहिलो शतक

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिताको तेश्रो दिन सम्पन्न दुईवटा खेलमा प्रदेश नम्बर-१ र एपीएफ क्लब विजयी भएका छन्।

अंकितको शतकमा प्रदेश-१ को उत्कृस्ट जित 

प्रारम्भिक ब्याटर अङ्कित सुवेदीको उत्कृष्ट शतकको मद्दतले प्रदेश १ ले समूह ‘बी’ अन्तर्गतको खेलमा वाग्मतीलाई ६९ रनले हराएको छ । प्रदेश-१ को यो पहिलो जित हो भने वाग्मतीले लगातार दोस्रो खेल गुमाएको छ । स्कोरकार्ड, अंकतालिका 

अङ्कितको १ सय १० रनको मद्दतले प्रदेश १ ले पहिले ब्याटिङ गर्दै ४९.५ ओभरमा ३ सय ४ रन बनाएको थियो । पुलिस क्लबका दिपेन्द्र ऐरीपछि जारि प्रतियोगितामा दोश्रो शतक बनाएका अंकितले १३४ बलमा १२ चौका र १ छक्का प्रहार गरे। सिनियर राष्ट्रिय क्रिकेटमा अंकितको यो पहिलो शतक हो। यस्तै प्रदेश-१ का कप्तान सिद्धान्त लोहनीले ४० बलमा ७२ रनको योगदान दिए । वाग्मतीका लागि रामनरेश गिरीले ४२ रन खर्चेर ५ विकेट लिए ।

जितका लागि ३ सय ५ रनको विशाल लक्ष्य पाएको वाग्मतीले ४५.५ ओभरमा अलआउट हुन अगाडि २ सय ३५ रनमात्र बनाउन सक्यो । नन्दन यादवले बनाएको ४३ रन नै वाग्मतीका लागि उच्च व्यक्तिगत स्कोर रह्यो । प्रदेश-१ को बलिंगमा सर्वन यादवले ३ विकेट तथा फिर्दोश अन्सारी, दिपक जोशी र सिद्धान्त लोहनीले २/२ विकेट लिए।

एपीएफ सामु सुदूरपश्चिम निरिह 

विभागीय टोली नेपाल एपीएफ क्लबले काठमाडौंमा जारी प्रधानमन्त्री (पीएम) कप क्रिकेटमा सुदूरपश्चिम प्रदेशमाथि सानदार जित निकालेको छ । मुलपानी क्रिकेट मैदानमा मंगलबार भएको खेलमा एपीएफले सुदूरपश्चिम प्रदेशलाई १० विकेटले हरायो । प्रतियोगिताका एपीएफको यो लगातार दोस्रो जित हो । स्कोरकार्ड 

सुदूरपश्चिमले दिएको ६८ रनको सामान्य विजयी लक्ष्य पछ्याएको एपीएफले ११.२ ओभरमा ७० रन बनायो । एपीएफको जितमा ओपनर आशिफ शेखले अविजित ४२ रन बनाए । प्रदिप ऐरीले अविजित २५ रन बनाए ।

यसअघि पहिले ब्याटिङ गरेको सुदूरपश्चिमले २७ ओभरमा सबै विकेटको क्षतिमा ६७ रन बनाएको थियो । मैदान ओसिलो भएको कारण खेल ४३ ओभरमा झारिएको थियो । सुदूरपश्चिमका लागि कप्तान राजु रिजालले सर्वाधिक २४ रन जोड्नुबाहेक अन्य ब्याट्सम्यानले दोहोरो अङ्कमा रन बनाउन सकेनन् । सुदूरपश्चिमलाई सस्तैमा समेट्न बलिङमा एपीएफका भुवन कार्कीले चार विकेट लिए।

कमल ऐरी र मौसम ढकालले दुई दुई तथा किशोर महतो र अमर सिंह रौटेलाले एक एक विकेट लिए । जितसँगै समूह ‘ए’ मा रहेको एपीएफ शीर्षस्थानमा छ । एपीएफले दुई खेलबाट चार अङ्क बनाएको छ । एपीएफले पहिलो खेलमा त्रिभुवन आर्मी क्लबलाई हराएको थियो । दोस्रो हार खेप्दै अङ्कविहीन सुदूरपश्चिम अन्तिममा छ । सुदूरपश्चिम पहिलो खेलमा गण्डकी प्रदेशसँग पराजित भएको थियो ।





थप समाचार

आयरल्यान्ड ‘ए’ र नेपाल ‘ए’ बीचको टी-ट्वान्टी सिरिजको खेलतालिका परिवर्तन

काठमाडौं । नेपाल भ्रमणमा रहेको आयरल्यान्ड ए को नेपाल ‘ए’ सँगको टी-ट्वान्टी सिरिजको खेलतालिका परिवर्तन भएको छ। नेपाल क्रिकेट संघ […]

आइपीएल : राजस्थान र दिल्ली भिड्दै

काठमाडौं । १७ औँ संस्करणको इण्डियन प्रिमियर लिग (आइपिएल) अन्तर्गत नवौं खेलमा आज (बिहिबार) राजस्थान रोयल्स र दिल्ली क्यापिटल्सबीच भिडन्त […]

नेपाल ए र आयरल्यान्ड ए भिड्दै

काठमाडौं । नेपाल ए क्रिकेट टिमले आज आयरल्याण्ड ए विरुद्ध तीन खेलको टी-ट्वान्टी सिरिजको पहिलो खेल आज (बिहिबार) खेल्दैछ । […]

चाैका र छक्काको वर्षा भएको खेलमा मुम्बईमाथि हैदराबादको जित

काठमाडौं । १७ औं संस्करणको ईन्डियन प्रिमियर लिग(आइपीएल)को आठौं खेलमा सनराईजर्स हैदराबादले मुम्बई ईन्डियन्सलाई पराजित गरेको छ । घरेलु मैदान […]

हैदराबादले मुम्बईलाई दियो कीर्तिमानी २७८रनको लक्ष्य

काठमाडौं । १७ औं संस्करणको ईन्डियन प्रिमियर लिग(आइपीएल)मा सनराईजर्स हैदराबादले मुम्बई ईन्डियन्सलाई २ सय ७८ रनको लक्ष्य दिएको छ । […]

आइपीएल : हैदराबाद र मुम्बई भिड्दै

काठमाडौं । १७ औँ संस्करणको ईण्डियन प्रिमियर लिग (आइपिएल) मा आज (बुधाबार) सनराइजर्स हैदरावाद र मुम्बई इण्डियन्सबीच खेल हुँदैछ । […]