PM Cup Women’s : अप्सरी, काजल र रुबिना चम्किंदा प्रदेश-१ को जित

लुम्बिनी प्रदेशलाई पराजित गर्दै प्रदेश नम्बर-१ धनगढीमा जारि प्रधानमन्त्री कप महिला राष्ट्रिय टि-ट्वान्टी प्रतियोगिताको समुह ‘ए’ को विजेताको रुपमा सेमीफाइनल प्रवेश गरेको छ। सेमीफाइनलमा प्रदेश-१ ले समुह ‘बि’ को उपविजेता तथा लुम्बिनीले समुह ‘बि’ को विजेतासंग प्रतिस्पर्धा गर्नेछ। यस अघिनै दुई खेल जित्दै प्रदेश-१ र लुम्बिनी सेमीफाइनल प्रवेश गरिसकेका थिए। कर्णाली प्रदेश र बागमती प्रदेश भने दोश्रो चरण प्रवेश गर्न असफल भए।

फाप्ला क्रिकेट मैदानमा सम्पन्न खेलमा प्रदेश-१ ले दिएको ११५ रनको लक्ष्य पछ्याएको लुम्बिनी प्रदेशले २० ओभर ब्याटिंग गरेता पनि ९ विकेट क्षेतीमा ४७ रन मात्र बनाउन सक्यो।

लुम्बिनीको लागि सरस्वति पुन र नितु भण्डारीले समान ९ रन तथा लक्ष्मी चौधरीले ८ रन योगदान दिए। प्रदेश-१ को बलिंगमा कप्तान रुबिना क्षेत्रीले सर्वाधिक ३ विकेट ( ४-१-४-३ ) तथा अलिशा खडियाले २ विकेट ( ४-१-५-२ ) लिए। संगीता राईको नाममा एक विकेट रह्यो।

यस अघि टस जितेर ब्याटिंग गरेको प्रदेश-१ ले निर्धारित २० ओभरमा ३ विकेट क्षेतीमा ११४ रन बनाएको थियो।

प्रदेश-१ को लागि अप्सरी बेगमले सर्वाधिक ४४ रन बनाईन् जुन क्रममा उनले ३७ बलमा १ चौका र १ छक्का प्रहार गरिन्। यस्तै काजल श्रेष्ठले ४८ बलमा ४ चौका मद्दतले ४० रन बनाईन्। कप्तान रुबिना क्षेत्रीले १५ रन बनाईन्। रुबिना र काजलले ३८ रनको ओपनिंग तथा काजल र अप्सरीले दोश्रो विकेटको लागि ६२ रनको साझेदारी गरे।

लुम्बिनी प्रदेशको बलिंगमा नेरी थापा ( ४-०-८-१ ) , मधु डिसी ( ४-०-२२-१ ) र सरस्वति पुनले ( १-०-५-१ ) समान एक विकेट लिए।





थप समाचार

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]