राष्ट्रिय खेलकुद परिषदको सहयोग र नेपाल क्रिकेट संघको आयोजनामा प्रधानमन्त्री कप महिला राष्ट्रिय क्रिकेट प्रतियोगिताको सातौँ संस्करण धनगढीमा शनिवार देखि सुरु हुदैछ।
धनगढी स्थित फाप्ला क्रिकेट मैदानमा संचालन हुने प्रतियोगिताको उद्घाटन खेलमा बिहान ९ बजे डिफेन्डिङ च्याम्पियन प्रदेश नम्बर-१ र कर्णाली प्रदेश बीच प्रतिस्पर्धा हुनेछ। दिनको दोश्रो खेलमा दिउँसो १ बजे बागमती प्रदेश र लुम्बिनी प्रदेश बीच खेल हुनेछ।
पुस ३ गतेदेखि ११ गतेसम्म सञ्चालन हुने प्रतियोगितामा आठ टोलीको सहभागिता छ। सहभागी टोलीलाई दुई समूहमा विभाजन गरिएको छ । समूह ‘ए’ मा प्रदेश १, लुम्बिनी प्रदेश, बागमती प्रदेश र कर्णाली प्रदेश रहेको छ । समूह ‘बी’ बाट नेपाल एपीएफ क्लब, गण्डकी प्रदेश, सुदूरपश्चिम प्रदेश र प्रदेश २ ले प्रतिस्पर्धा गर्दैछन् । दुवै समूहका टोलिहरुले एकअर्कासंग एक-एक खेल खेलेपछि अंकतालिकामा उत्कृस्ट हुने दुई/दुई टिमले सेमीफाइनलमा प्रतिस्पर्धा गर्नेछन्।
प्रतियोगिताको गत संस्करण दाङमा आयोजना भएको थियो जसको उपाधि रुबिना क्षेत्री कप्तानीको प्रदेश नम्बर-१ ले जितेको थियो। फाइनलमा उसले शशस्त्र प्रहरी बल ( एपीएफ ) लाई ६ रनले पराजित गरेको थियो। अघिल्लो संस्करण बाहेक प्रतियोगिताको अन्य सम्पूर्ण संस्करण एपीएफले जितेको थियो।
हेर्नुस प्रतियोगिताको पूर्वसन्ध्यामा फाप्ला क्रिकेट मैदानको अन्तिम तयारी
