प्रधानमन्त्री पुष्पकमल दाहाल ‘प्रचण्ड’लेले कीर्तिपुरको क्रिकेट मैदानमा तत्काल आधुनिक फ्लट लाइट र स्कोर बोर्ड जडान गर्न राष्ट्रिय खेलकुद परिषद्लाई निर्देशन दिएका छन् ।
विश्वकप छनोटमा पुग्न सफल भएका नेपाली राष्ट्रिय क्रिकेट टिमका खेलाडीहरूलाई शुक्रबार सरकारी निवास बालुवाटारमा बोलाएर बधाई दिने क्रममा प्रधानमन्त्री प्रचण्डले यस्तो निर्देशन दिएका हुन् ।
सुविधा सम्पन्न क्रिकेट रङ्गशाला निर्माण कार्य तीव्रताका साथ अघि बढाउन सरकारको तर्फबाट प्रयास भइरहेको भन्दै प्रधानमन्त्री दाहालले विजेता खेलाडीहरूलाई जनही ३ लाख रुपैयाँ दिने घोषणा गरेका छन् ।
प्रधानमन्त्री दाहालले चितवनमा बन्न लागेको अन्तर्राष्ट्रिय स्तरको क्रिकेट रङ्गशालाका समस्या समाधान गरी सरकारले तीव्र गतिमा काम अघि बढाइरहेको पनि बताए ।
