रोमान्चक खेलमा पुलिसलाई २ विकेटले हराउदै आर्मी प्रधानमन्त्री कपको फाइनलमा

दोश्रो सेमीफाइनलमा नेपाल पुलिस क्लबलाई २ विकेटले पराजित गर्दै त्रिभुवन आर्मी क्लब प्रधानमन्त्री कप एकदिवसीय राष्ट्रिय क्रिकेट प्रतियोगिताको फाइनल पुगेको छ।

टियु मैदान कीर्तिपुरमा पुलिसले दिएको ३०५ रनको लक्ष्य आर्मीले १ बल बाँकी हुँदा २ विकेट गुमाएर भेटायो।

लक्ष्य पछ्याउने क्रममा आर्मी ओपनर अर्जुन साउद ११ तथा तेश्रो नम्बरका भिम शार्की १० रन बनाएर आउट भए। तेश्रो विकेटको लागि ओपनर हरि चौहानले रोहित पौडेलसंग शतकीय साझेदारी गरे। १३५ रनको साझेदारी चौहानलाई बोल्ड गर्दै ललित राजबंशीले तोडे। चौहानले ९२ बलमा ८ चौका र १ छक्का मद्दतले ७५ रन बनाए।

बिनोद भण्डारीसंग ३२ रनको साझेदारी गरेपछि रोहित अडतीसौं ओभरमा राशिद खानबाट क्याच आउट भए। त्यस अघि रोहितले ८७ बलमा ९ चौका मद्दतले ८९ रन बनाए। बिनोदले राजेश पुलामीसंग २९ रनको साझेदारी गरे। ३२ रन बनाएका बिनोदलाई त्रिचालिसौं ओभरमा करन केसीले एलबिडब्लु पारे। सोहि ओभरमा कुशल मल्ललाई पनि करनले खाता नखोल्दै विकेट पछाडी क्याच आउट पारे।

सातौँ विकेटको लागि राजेश पुलामीले बिक्रम सोबसंग ५३ रनको साझेदारी गरे। उनन्पचासौं ओभरमा बिक्रमलाई करन केसीले क्याच आउट पारे। सोबले १८ बलमा ३ चौका र २ छक्का मद्दतले ३० रन बनाए। सोहि ओभरमा १ रन बनाएका सुशन भारिलाई करनले क्याच आउट गरे।

अन्तिम ओभरमा आर्मीलाई जित्न ८ रन आवस्यक भयो। पुलिस कप्तान दिपेन्द्र ऐरी बलिंग गर्न आए। ऐरीले पहिलो बलमा रन नदिएता पनि पुलामीले दोश्रो बलमा चौका प्रहार गरे। त्यसपछिको बलमा पुलामीले १ रन लिए भने चौंथो बलमा शाहब आलमले १ रन लिए। २ बलमा जित्न २ रन आवस्यक हुँदा पुलामीले छक्का प्रहार गर्दै टिमलाई रोमान्चक जित दिलाए।

प्लेयर अफ द म्याच घोषित भएका राजेश पुलामीले ३७ बलमा अविजित ४३ रन बनाए जुन क्रम मा उनले ३ चौका र २ छक्का प्रहार गरे।

पुलिसको बलिंगमा करन केसी एक्लैले ६ विकेट लिएता पनि जित्न पर्याप्त रहेन। १० ओभरमा करनले ५२ रन खर्चिए।

यस अघि टस हारेर पहिले ब्याटिङ गरेको पुलिसले ५० ओभरमा ४ विकेट गुमाएर ३ सय ४ रन बनायो ।

पुलिसका लागि कप्तान दीपेन्द्र सिंह ऐरीले शतकीय इनिङ खेले । दीपेन्द्रले राष्ट्रिय राष्ट्रिय क्रिकेटमा व्यक्तिगत सर्वाधिक १ सय ४० रन बनाए । उनले १ सय २५ बलमा ११ चौका र ५ छक्का प्रहार गरे । दिपेन्द्र प्रधानमन्त्री कपको एकै संस्करणमा दुई शतक बनाउने पहिलो क्रिकेटर बन्न पुगे।

यस्तै आरिफ शेखले अविजित रहँदै ९१ रनको अर्धशतकीय इनिङ खेले । करण केसी ८ रनमा अविजित रहे । कुशल भुर्तेल ३१, सुनिल धमला १३ र अमित श्रेष्ठ १० रनमा आउट भए ।

आर्मीका फास्ट बलर विक्रम सोबले ३ विकेट लिए । सुशन भारीको नाममा १ विकेट रह्यो ।

यस खेलको विजेताले फाइनलमा शनिवार एपीएफ क्लबको सामना गर्ने छ । एपीएफ क्लब पहिलो सेमिफाइनलमा बिहीबार मधेस प्रदेशलाई पराजित गरेर फाइनलमा प्रवेश गरिसकेको छ।

प्रतियोगिताको विजेताले १० लाख नगद पुरस्कार पाउने छन्। यस्तै उपविजेताले ५ लाख पाउने छन् । त्यस्तै उत्कृष्ट खेलाडीले ५० हजार, उत्कृष्ट बलर र ब्याट्सम्यानले २० हजार तथा इमर्जिङ प्लेयरले १० हजार पाउने छन्।





थप समाचार

नेपाल क्रिकेट संघको बैठक बस्दै, सन्दीपको निलम्बन फुकुवाबारे छलफल हुने

काठमाडौँ । नेपाल क्रिकेट संघ (क्यान) को कार्यसमिति बैठक आज बस्दै छ । पोखरामा बस्ने बैठकमा नेपाल टी-२० लिग विवादमा […]

सन्दीपको निलम्बन फिर्ता गर्ने क्यानको तयारी

नेपाल क्रिकेट सङ्घ (क्यान)ले क्रिकेटर सन्दीप लामिछानेको निलम्बन फिर्ता गर्ने तयारी गरेको छ । मङ्गलवार पोखरामा बस्ने क्यानको कार्यसमिति (बोर्ड) […]

क्यानका अध्यक्ष चन्दसहित ५ जना पदाधिकारीको राजीनामा माग

नेपाल क्रिकेट सङ्घ क्यानका ७ जना केन्द्रिय सदस्यले अध्यक्ष चतुरबहादुर चन्दसहित कार्य सम्पादन समितिमा रहेका ५ जना पदाधिकारीको राजीनामा माग […]

मिथिला कप : विकासले ५ विकट लिंदा छिन्नमस्ता विजयी

सप्तरीको राजविराज जारी चौंथो संस्करणको मिथिला कप टि-ट्वान्टी क्रिकेट प्रतियोगिता अन्तर्गत दोश्रो दिन सम्पन्न खेलमा छिन्नमस्ता स्पोर्ट्स एकेडेमी सप्तरीले १ […]

सन्दीपविनै प्रारम्भिक टोली

नेपाल क्रिकेट सङ्घ (क्यान्) ले घरेलु मैदान कीर्तिपुरमा हुने आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजका लागि २८ सदस्यीय प्रारम्भिक […]

भारतीय कम्पनीसँगको सम्झौता त्रुटिपूर्ण : क्यान

नेपाल क्रिकेट सङ्घ (क्यान) ले नेपाल टी–२० लिग क्रिकेट गर्न भारतीय कम्पनी सेभेन थ्रीस्पोर्ट्सँग सम्झौता गरिनु त्रुटिपूर्ण भएको जनाएको छ […]