पोखरा प्रिमियर लिग अन्तर्गत चौथो दिनको दोस्रो खेलमा चितवन राइनोज र पोखरा पल्टन भिड्दै छन्। चितवनको कप्तानी पारस खड्काले गर्दैछन् भने पोखरा शरद भेसवाकरको कप्तानीमा रहेको छ।
खेलको पहिलो इनिंगको समाप्तिमा चितवनले ५ विकेट गुमाएर १४० रनको योगफल तयार गर्न सफल रहेको छ। चितवनका सन्नी पटेलले सर्वाधिक ४६ तथा पारस खड्काले ४४ रनको योगदान गरे।
अविजित रहँदै ब्याटिंग गरेका सन्नीले २७ बलमा ३ चौका र समान छक्का प्रहार गरे। यस्तै पारसले ४४ रन जोड्न समेत समान ३ चौका र ३ छक्का प्रहार गरे।
यसअघि सोनु तामांग व्यक्तिगत २१ रन तथा अनिल साह १६ रनको स्कोरमा पभेलियन फर्किएका थिए।
पोखराको बलिङ्गमा बिक्रम भुषालले सर्वाधिक २ विकेट (३-०-३३-२) हात पारे। यस्तै मेहबुब आलम, मोहम्मद नबिद र शरद भेसवाकरको नाममा समान १-१ विकेट रह्यो।
