- विकेटनेपाल, असोज १३ – शनिबार
कार्तिक ९ देखि २० गते सम्म पोखरामा आयोजना हुने पोखरा प्रिमियर लिग – पीपीएल टि-२० को खेलाडी चयन गर्नको लागि खेलाडीहरुको अक्सन आइतबार हुँदैछ।
नेपालमा पहिलो पटक धनगढी क्रिकेट लिग २०१६ मा अक्सनको सुरुवात भएपछि धनगढी प्रिमियर लिग ( डिपीएल ) र एभरेस्ट प्रिमियर लिग ( इपिएल ) मा अक्सनबाट खेलाडीहरुको चयन भएको थियो। डिपीएल र इपिएल पछि राष्ट्रिय स्तरको खेलाडीहरुको अक्सन पीपीएलमा पनि हुँदैछ।
पोखरा प्रिमियर लिगले बिहिबार पत्रकार सम्मेलन गर्दै ६ वटा टिम र मार्की प्लेयरको घोषणा गरेको थियो। जस अन्तर्गत चितवन राइनोजको ओमार्की प्लेयर पारस खड्का, बिराटनगर टाईटन्सको मार्की प्लेयर सन्दिप लामिछाने, बुटवल ब्लास्टर्सको मार्की प्लेयर सोमपाल कामि, पोखरा पल्टनको मार्की प्लेयर शरद भेसावकर, धनगढी ब्लुजको मार्की प्लेयर दिपेन्द्र ऐरि तथा काठमाडौँ रोयल्सको मार्की प्लेयर ज्ञानेन्द्र मल्ल रहेका छन्।
अक्सन ९:३० बजे बिहान सुरु हुने बताईएको छ जसको हिमालय टेलिभिजनले प्रत्यक्ष प्रशारण गर्नेछ।
१७९ जना खेलाडी , ३ वटा श्रेणी
प्रतियोगिताको लागि असोज २ गते देखि खेलाडी दर्ता गर्न आबेदन खुलाईएको थियो जसमा १७९ खेलाडीले नाम दर्ता गराएका छन्।
१७९ जनालाई आयोजकले क्याप्ड सिनियर, क्याप्ड र एज लेभल र अंक क्याप्ड गरि ३ श्रेणीमा बिभाजन गरेको छ। सिनियर टिमको लागि खेलेका खेलाडीहरु क्याप्ड सिनियरमा छन् जसमा कुल ३० जना, नेपालको उमेर समुह टिमको लागि खेलेका खेलाडीहरु क्याप्ड र एज लेभलमा छन् जसमा कुल ५७ जना खेलाडी रहेका छन्। यस्तै क्याप्ड खेलाडी जसले कुनै पनि नेपाली टिमबाट खेलेका छैनन् त्यो सुचीमा ९२ जना खेलाडी दर्ता भएको आयोजकले बताएको छ।
| टिम | मार्की प्लेयर | मालिक |
| चितवन राइनोज | पारस खड्का | युवा व्यवसायी राहुल महरा र टिम |
| बिराटनगर टाईटन्स | सन्दिप लामिछाने | पारस लुनिया ( पुर्व राष्ट्रिय क्रिकेटर तथा व्यवसायी ) |
| बुटवल ब्लास्टर्स | सोमपाल कामि | रामबहादुर बिस्ट सहित युवा ब्यबसायी टिम |
| पोखरा पल्टन | शरद भेसावकर | विनायक पोखरेल सहितको टिम |
| एक्स्पर्ट धनगढी ब्लुज | दिपेन्द्र ऐरि | संजिव शर्मा ( एक्स्पर्ट एजुकेसन एण्ड भिसा सर्भिस ) |
| हुलास काठमाडौँ रोयल्स | ज्ञानेन्द्र मल्ल | राज्यलक्ष्मी गोल्छा |
अधिकतम मूल्य २ लाख ५० हजार
अक्सनमा क्याप्ड सिनियर खेलाडीको न्युनतम मूल्य ५० हजार र अधिकतम मूल्य २ लाख ५० हजार हुनेछ। यस्तै क्याप्ड र एज लेभल श्रेणीको खेलाडीको न्युनतम मूल्य पनि ५० हजार र अधिकतम मूल्य १ लाख ५० हजार निर्धारण गरिएको छ। अनक्याप्ड खेलाडीहरुको न्युनतम मूल्य ३० हजार र अधिकतम मूल्य १ लाख रुपैयाँ हुनेछ।
न्युनतम १० जना चयन गर्नुपर्ने
लिगमा सहभागी टिमले आफ्नो टिममा न्युनतम १५ खेलाडी र अधिकतम १८ खेलाडी आबद्ध गर्नु पर्नेछ। त्यसमा अक्सनबाट न्युनतम १० जना खेलाडी आवद्ध गर्नुपर्नेछ। प्रत्येक टिममा त्यो बाहेक मार्की खेलाडी १, बिदेशी खेलाडी २ जना तथा २ जना लोकल आइकन अनिवार्य राख्नुपर्नेछ।
प्रत्येक टिमले खेलाडी किन्न १२-१३ लाख रुपैयाँ ( अधिकारिक हैन ) खर्च गर्न पाउने र ३ वटा श्रेणीबाट पैसा अनुसार जति पनि संख्यामा खेलाडी लिन पाउने जानकारी विकेटनेपाललाई प्राप्त भए पनि अधिकारिक रुपमा आयोजकले भने खुलाएको छैन।
को होलान् त अक्सनमा महँगो खेलाडी ?
