EPL : ललितपुरको दोश्रो हार, पोखराको जितमा लेभी, यादव र सोब चम्किए

ललितपुर पेट्रिएट्सलाई ९ विकेटले पराजित गर्दै पोखरा राइनोजले एभरेस्ट प्रिमियर लिगमा पहिलो जित दर्ता गरेको छ। ललितपुरको भने दुवै खेलमा पराजित भएको छ।

खराब आउटफिल्डका कारण ढिला सुरु भएपछि ७ ओभरमा झारिएको खेलमा टस हारेर पहिले ब्याटिंग गर्दै ललितपुरले दिएको ५२ रनको लक्ष्य पोखराले ६.३ ओभरमा १ विकेट गुमाएर भेटायो।

पोखराको लागि दक्षिण अफ्रिकी ब्याट्सम्यान रिचर्ड लेभीले अविजित ३८ रन बनाए जुन क्रममा २२ बलमा ५ चौका र १ छक्का प्रहार गरे। रित गौतमले १२ रन बनाए। लेभी र गौतमले ३९ रनको ओपनिंग साझेदारी गरेका थिए।

जितको लागि २ ओभरमा १३ रन आवस्यक रहंदा छैठौं ओभरमा अज्मतुल्लाह ओमरजाईले रित गौतमको विकेट लिंदै मात्र २ रन खर्चिएपछि खेल रोमान्चक बनेको थियो। तर अन्तिम ओभरको पहिलो २ बलमा पवन सर्राफलाई चौका र छक्का प्रहार गर्दै लेभीले जित सहज बनाए।

यस अघि टस हारेर ब्याटिंग गरेको ललितपुर पेट्रिएट्सले निर्धारित ७ ओभरमा ६ विकेट गुमाएर ५१ रन बनाएको थियो। उसको लागि सन्दुन विराक्कोडीले सर्वाधिक १९ रन बनाए भने नारायण जोशीले ११ तथा ओशाडा फर्नान्डोले १० रन बनाए। कप्तान कुशल भुर्तेल ३ रन, पवन सर्राफ ५ रन तथा अज्मतुलाह ओमरजाईले १ रन बनाए।

पोखराको बलिंगमा प्लेयर अफ द म्याच चुनिएका दायाँ हाते पेसर नन्दन यादवले सर्वाधिक ३ विकेट ( २-०-११-३ ) लिए भने बिक्रम सोबले २ ( २-०-११-२ ) तथा केसरिक् विलियम्सले १ विकेट ( २-०-१५-१ ) लिए।

लिग अन्तर्गत पोखराको यो पहिलो जित हो। यस अघि पोखरा र भैरहवा ग्ल्याडीएटर्स बीचको खेल वर्षाका कारण प्रभावित हुँदा एक/एक अंक बाँडेको थियो। ललितपुरको यो दोश्रो हार हो जसले यस अघि काठमाडौँ किंग्स-११ संग हार व्यहोरेको थियो।





थप समाचार

पाँचपोखरी टी-ट्वान्टी : इन्द्रावतीको पहिलो जित, भोटेचौरको लगातार दोश्रो जित

काठमाडौं । पाँचपोखरी थाङ्गपाल गाउँपालिका खेलकुद विकास समितिको आयोजना तथा सिन्धुपाल्चोक जिल्ला क्रिकेट संघ र पांचपोखरी क्रिकेट क्लब को प्राबिधिक […]

डिसिएल : दिपेश चम्किंदा टाइगर्स विजयी, तुलसीपुरको जितमा अमर उत्कृष्ट

काठमाडौं । दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत मंगलबार सम्पन्न खेलमा तुलसीपुर रोयल्स र घोराही टाइगर्स विजयी […]

निकोलको अलराउन्ड प्रदर्शनमा नामिबियाद्वारा नेपाल पराजित

काठमाडौं । जेन निकोलको कीर्तिमानी शतक तथा उत्कृष्ट बलिङको सहयोगमा नामिबियाले नेपाललाई पराजित गरेको छ । टियु क्रिकेट मैदान कीर्तिपुरमा […]

निकोलको कीर्तिमानी शतकमा नेपाललाई २ सय ७ रनको लक्ष्य

काठमाडौं । जेन निकोलको कीर्तिमानी शतकको सहयोगमा नामिबियाले नेपाललाई जितका लागि २ सय ७ रनको लक्ष्य दिएको छ । टियु […]

नेपालले टस हार्यो, ललित बेन्चमा

काठमाडौं । नेपालले नामिबियाविरुद्धको खेलमा टस हारेको छ । टियु क्रिकेट मैदानमा नामिबिया कप्तान जेजे स्मिथले टस जितेर ब्याटिङ रोजेपछि […]

त्रिदेशिय टी-ट्वान्टी सिरिज आजबाट, नामिबिया र नेपाल भिड्दै

काठमाडौं । आज(मंगलबार) बाट नेपाल, नेदरल्यान्ड्स र नामिबिया सम्मिलित त्रिदेशीय टी-ट्वान्टी सिरिज सुरु हुदैछ । सिरिजको पहिलो खेलमा नामिबिया र […]