नवौं राष्ट्रिय : पुलिस र लुम्बिनी प्रदेश सेमीफाइनलमा

विभागीय टोलि नेपाल पुलिस क्लब र लुम्बिनी प्रदेश नवौं राष्ट्रिय खेलकुद महिला क्रिकेटको समुह ‘बि ‘ बाट सेमीफाइनल पुगेका छन्।

पोखरा क्रिकेट मैदानमा शुक्रबार सम्पन्न दुईवटा खेलमा पुलिसले लुम्बिनी प्रदेशलाई ९७ रनले पराजित गर्दै समुह विजेताको रुपमा दोश्रो चरण प्रवेश गर्यो। पहिलो पटक महिला क्रिकेट प्रतियोगितामा सहभागी पुलिसले दिएको ११३ रनको लक्ष्य पछ्याएको लुम्बिनीले १२.५ ओभर ब्याटिंग गर्दै १५ रन बनाउदा सम्पूर्ण विकेट गुमायो।

लुम्बिनीलाई सानो योगफलमा समेट्न पुलिस बलर इश्वरी बिस्टले ४ विकेट, हिरान्मयी रोय र रुबिना क्षेत्रीले २/२ विकेट तथा सबनम राईले १ विकेट हात पारिन्। लुम्बिनीको लागि कप्तान सरस्वति जीएमले सर्वाधिक ६ रन योगदान दिंदा  उसका ७ ब्याटरले खाता समेत खोल्न सकेनन्।

पुलिसको ब्याटिंगतर्फ प्लेयर अफ द म्याच कविता जोशीले ४८ रन योगदान दिईन्भने सम्झना खड्काले २९ रन बनाईन्। लुम्बिनीको बलिंगमा सुष्मिता भुसाल र मनिषा रानाले २/२ विकेट लिए।

यस्तै दिनको दोश्रो खेलमा प्रदेश-१ ले कर्णाली प्रदेशलाई ७ विकेटले पराजित गरेता पनि सेमीफाइनलमा स्थान बनाउन चुक्यो। कर्णालीले दिएको ५४ रनको लक्ष्य प्रदेश-१ ल ६.४ ओभरमा ३ विकेट गुमाएर भेटायो।

तिन खेल खेल्दा १ जित, १ हार र १ नतिजाविहिन खेल पछि ३ अंक बटुलेको प्रदेश-१ नेट रन रेटमा लुम्बिनीसंग पछि पर्यो। लुम्बिनीको पनि समान ३ अंक भएता पनि नेट रन रेट ०.१७५ रह्यो भने प्रदेश-१ को -१.७५ नेट रन रेट रह्यो।

प्रदेश-१ को जितमा प्लेयर अफ द म्याच लकिता राजबंशीले ४ विकेट हात पारिन्। अलिशा खडीयाले ३ विकेट लिईन्। कर्णालीको ब्याटिंगमा यमनु थारुले २१ तथा बिना थापाले ११ रन योगदान दिईन्। प्रदेश-१ को ब्याटिंगमा निशा शाहले १८ तथा लकिता राजवंशले अविजित १४ रन योगदान दिए।

प्रतियोगिता अन्तर्गत समुह ‘ए’ बाट सेमीफाइनल पुग्ने दुई टिमको टुंगो लागेको छैन। एपीएफ र मदेश प्रदेश समान ४ अंक सहित पहिलो र दोश्रो स्थानमा छन्।





थप समाचार

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]