तार्केश्वर युवा क्लबको आयोजनामा स्युचाटार क्रिकेट लिग टि-टेन प्रतियोगिता पुस १२ गतेदेखि हुने भएको छ ।
प्रतियोगितामा १६ टिमको सहभागिता रहने प्राविधिक संयोजक रविन्द्र गुप्ताले शुक्रबार आयोजित पत्रकार सम्मेलनमा जानकारी गराए ।
लिग कम नकआउट आधारमा हुने प्रतियोगिताको विजेताले १ लाख र उपविजेताले ५० हजार नगद पुरस्कार प्राप्त गर्ने छन् । प्लेयर अफ सिरिजलाई १० हजार तथा उत्कृष्ट बलर र ब्याट्सम्यानलाई जनही ५ हजार नगदबाट पुरस्कृत गरिने छ ।
प्रतियोगिता सञ्चालन गर्न करिब १३ लाख रुपैयाँ खर्च हुने आयोजक क्लबका अध्यक्ष सन्तोष बुढागथोकीले बताए । तिन दिन चल्ने प्रतियोगिताका खेलहरु स्युचारटार स्थित तारकेश्वर युवा क्लबको इन्डोर खेल मैदानमा हुनेछ ।