अफगानिस्तानका विश्व चर्चित लेग स्पिनर राशिद खानले आफ्नो देशले विश्वकप जितेपछि पछि मात्र विवाह गर्ने बताएका छन्।
२१ वर्षिय राशिदले स्थानीय अजादी रेडियोसँगको कुराकानीको क्रममा अफगानिस्तानले आइसिसी विस्वोकप एक पटक जितेपछी आफुले विवाह गर्ने बताएका हुन् ।
“अफगानिस्तानले क्रिकेट विश्वकप जितेपछि मात्र म विवाह गर्नेछु” टि-२० अन्तर्राष्ट्रिय वरियतामा शिर्ष स्थानमा रहेका खानले बताए।
व्यक्तिगत रुपमा उत्कृस्ट बलर भएता पनि अफगानिस्तान भने विश्वकप जस्तो ठुलो प्रतियोगितामा उत्कृस्ट प्रदर्शन गर्न बारम्बार चुक्ने गरेको छ। त्यसैले राशिदले विश्वकप पछि विवाह गर्ने कुरा संकल्प बताए पनि व्यवहारिक रुपमा भने छिट्टै पुरा हुन मुस्किल देखिन्छ।
सन् २०१५ र २०१९ को एकदिवसीय विश्वकपमा सहभागीता जनाएता पनि अफगानिस्तान पहिलो चरणबाटै बाहिरिएको थियो। सन् २०१० देखि टि-२० विश्वकपमा सहभागिता जनाएता पनि अफगानिस्तानले समुह चरण पार गर्न सकेको छैन।
अफगानिस्तान टिमका उपकप्तान समेत रहेका राशिद खान एक सफल लेग स्पिनर हुन्। सन् २०१५ मा अफगानिस्तानको लागि एकदिवसीय र टि-२० अन्तर्राष्ट्रिय डेब्यु गरेका राशिदले अहिले सम्मको सफल करियरमा कहिले पछाडी फर्केर हेर्नु परेको छैन। राशिद अफगानिस्तानको लागि टेस्टमा कप्तानी गर्ने विश्वकै कान्छो उमेरका खेलाडी हुन् जसले २० वर्ष ३५२ दिनको उमेरमा बंगलादेश बिरुद्ध २०१९ मा कप्तानी गरेका थिए।
राशिदले हालसम्म अफगानिस्तानको लागि ४ टेस्ट, ७१ एकदिवसीय अन्तर्राष्ट्रिय र ४८ टि-२० अन्तर्राष्ट्रिय खेलीसकेका छन् जसमा क्रमशः २३, १३३ र ८९ विकेट आफ्नो नाम गरेका छन्।
