काठमाडौं । १७ औं संस्करणको इन्डियन प्रिमियर लिग (आइपीएल) को इलिमिनेटर खेलमा राजस्थान रोयल्स र रोयल च्यालेन्जर्स बेंगलुरुबीच आज खेल हुदैछ ।
खेल अहमदाबादमा रहेको नरेन्द्र मोदी क्रिकेट स्टेडियममा नेपाली समयअनुसार बेलुका पौने आठमा सुरु हुनेछ । यस इलिमिनेटर खेलको विजेताले फाइनल प्रवेशका लागि शुक्रबार सनराइजर्स हैदराबादसँग खेल्नेछ ।
मंगलबार भएको पहिलो क्वालिफायरमा कोलकाता नाइट राइडर्ससँग पराजित भएको हैदराबादले दोस्रो क्वालिफायर खेल्न लागेको हो ।
पहिलो क्वालिफायरको विजेता कोलकाताले भने आइतबार हुने फाइनलमा स्थान बनाईसकेको छ । राजस्थानले पछिल्लो पाँच खेल जित्न सकेको छैन भने बेंगलुरुले पछिल्लो छ खेल जितेर प्लेअफमा स्थान बनाएको हो ।
समूह चरणमा भएको भेटमा राजस्थानले बेंगलुरुलाई छ विकेटले पराजित गरेको थियो ।
