देब्रे हाते तीव्र गतिका बलर रिजन ढकालले टि ट्वान्टी आई डेब्यु खेलमा नै विकेट लिएका छन् ।
क्यानडामा आजबाट सुरु त्रिकोणात्मक टि-ट्वान्टी अन्तर्राष्ट्रिय सिरिजमा घरेलु टोलीविरुद्ध खेलमा रिजनले डेब्यु गरेका थिए ।
रिजनले क्यानडाका ओपनर आरोन जोनसनलाई ९ बलमा ९ रन बनाउँदा आउट गराएका हुन् । रिजनले आफ्नो दोस्रो ओभरको पहिलो बलमा नै विकेट लिन सफल भएका हुन् । जोनसनलाई रिजनले कप्तान रोहितकुमार पौडेलको हातबाट क्याच आउट गराएका थिए । क्यानडाले ४ अहिले ४ ओभरमा १ विकेट गुमाएर २२ रन बनाएको छ ।
खेलमा नेपालले टस जितेर बलिंग रोजेको छ।
