- विकेटनेपाल, श्रावण २१
राईजिंग क्रिकेट फर वुमन्सको आयोजनामा अगस्ट ७ अर्थात भोलि एकदिने वुमन समर इन्डोर क्रिकेट प्रतियोगिता आयोजना हुँदैछ। प्रतियोगिता काठमाण्डौ स्थित अल्टिमेट इन्डोर क्रिकेट हलमा हुनेछ।
प्रति टिम ६ जना खेलाडी सहभागी हुने प्रतियोगितामा ५ टिमहरुको सहभागीता रहेको छ। सहभागी हुने टिमहरुमा आयोजक राइजिंग क्रिकेट, गौतम ग्रुप्स, थन्डर बर्ड्स, केसिटिसी गर्ल्स र श्री श्री योद्दा रहेका छन्।
सम्पूर्ण इन्डोर क्रिकेटका नियमहरु प्रयोग गरिने प्रतियोगिताको विजेताले नगद ३५ हजार रुपैयाँ, ट्रफी र डिनर पार्टी पाउनेछ भने उपविजेताले नगद १५ हजार रुपैयाँ प्राप्त गर्नेछ। यस्तै प्रत्येक खेलको उत्कृस्ट खेलाडीले मेडल प्राप्त गर्नेछन्। प्रतियोगिताको इन्ट्री फि ८ हजार रुपैयाँ रहेको थियो।
