मुम्बई इन्डीएन्सका कप्तान रोहित शर्माले आईपीएलमा ५ हजार रन पुरा गरेका छन्। किंग्स-११ पन्जाब बिरुद्धको खेल अघि उक्त रन पुरा गर्न मात्र २ रनले पछि रहेका रोहित लिग इतिहासमा ५ हजार रन बनाउने मात्र तेश्रो खेलाडी बनेका छन्।
१९२ खेलको १८७ औं इनिंगमा उक्त रन पुरा गर्ने क्रममा रोहितले मोहम्मद शामीको बलमा इनिंगको दोश्रो ओभरमा चौका प्रहार गरेका थिए। दायाँ हाते ब्याट्सम्यानले यस क्रममा १ शतक र ३७ अर्धशतक प्रहार गरेका छन्।
लिगमा सबैभन्दा पहिला ५ हजार रन पुरा गर्ने ब्याट्सम्यान सुरेश रैना हुन् जसले गत सिजन २३ मार्च २०१९ मा उक्त रन पुरा गर्दै रेकर्ड बनाएका थिए। सोहि सिजन २८ मार्चमा बिराट कोहलीले ५ हजार रन बनाउदै दोश्रो ब्याट्सम्यान बनेका थिए।
रोहितले लिगमा सबैभन्दा बढी रन २०१३ को सिजनमा बनाएका थिए। उक्त सिजन उनले १९ खेलमा ३८.४२ को औशतले ५३८ रन बनाएका थिए। उनले १३ औं सिजन खेल्दै गर्दा ६ सिजन ४ सय भन्दा बढी रन बनाएका छन्। सबै भन्दा कम रन रोहितले २०१८ मा १४ खेलमा मात्र २८६ रन बनाएका थिए।
यो सिजन सहभागिता नजनाएका रैनाले लिगमा कुल १९३ खेल खेल्ने क्रममा १८९ खेलमा ब्याटिंग गर्दै ३३.३४ को औशतले ५,३६८ रन बनाएका छन्। यस क्रममा देब्रे हाते ब्याट्सम्यानले १ शतक र ३८ अर्धशतक बनाएका छन्। कोहलीले १८० खेलको १७२ इनिंगमा ब्याटिंग गर्दै ३७.१९ को औशतले कुल ५,४३० रन बनाएका छन् जो लिगको सर्वाधिक रनकर्ता हुन्। कोहलीले कुल ५ शतक र ३६ अर्धशतक प्रहार गरेका छन्।
५ हजार रन पुरा गर्न अब सनराइजर्स हैदरावादका कप्तान डेभिड वार्नर चौथो ब्याट्सम्यान हुने क्रममा छन्। वार्नरले १२९ खेलमा ४,७९३ रन बनाएका छन्। यस्तै शिखर धवनले १६२ खेलमा ४,६४८ रन बनाएका छन्।
लिग इतिहासमा ४ हजार रन भन्दा बढी मात्र १० जना ब्याट्सम्यानले बनाएका छन्। बिराट कोहली, सुरेश रैना, रोहित शर्मा, डेभिड वार्नर, शिखर धवन, एबि डी भिल्लीयर्स, क्रिस गेल, महेन्द्र सिंह धोनी, रोबिन उथप्पा र गौतम गम्भीरले मात्र ४ हजार रन पुरा गर्न सकेका छन्।
IPL : गत सिजनको तुलनामा बढ्यो आईपीएलको दर्शक
विवादास्पद निर्णय : स्पाइडरक्यामलाई छोएता पनि उनदकतलाई क्याच आउट दिएपछि
शेन वार्नको नजरमा यी ४ टिम पुग्ने छन् आईपीएलको प्लेअफमा
आर्चरले फाले सिजनकै सबैभन्दा तीव्र गतिको बल, जान्नुस कति थियो गति
क्यानले खेलाडी वर्गीकरण फेरी गर्ने
