काठमाडौं । रोहित पौडेलको अर्धशतकको मद्दतले विभागीय टोली त्रिभुवन आर्मी क्लबले काठमाडौं मेयर कप क्रिकेटमा अर्को विभागीय टोली एपीएफ क्लबलाई २३६ रनको लक्ष्य सुम्पेको छ । टस हारेर पहिले ब्याटिङको निम्तो पाएको आर्मीले ५० ओभरमा सबै विकेट गुमाउँदै २३५ रन जोडेको हो ।
आर्मीका लागि पौडेलले ५६ रनको अर्धशतकीय इनिङ खेले । उनले ७८ बलमा तीन चौका प्रहार गर्दै ५६ रन बनाए ।
यसअघि आर्मीका लागि पहिलो विकेटको रुपमा ओपनरद्वय सोमपाल कामी र लोकश बमले ६१ रनको साझेदारी गरे । तर, १५ औं ओभरको पाँचौ बलमा सोमपाल बसन्त रेग्मीको बलमा क्याच आउट हुन पुगे । उनी २८ रनमा खेलीरहँदा बसन्तको बलमा आसिफ सेखको हातबाट क्याच आउट हुँदै पेभिलियन फर्किए । सोमपालले ५३ बलको सामना गर्दै समान दुई चौका र छक्काको मद्दतमा २८ रन जोडेका हुन् ।
त्यस्तै दोस्रो विकेटको पुरुमा लोकेशले ३० रनको योगदान गरे । उनले ५१ बलमा ४ चौका प्रहार गर्दै ३० रन जोडेका हुन् । उनी अमर रौटेलाले फालेको २० औं ओभरको अन्तिम सुमित महर्जनको हातबाट क्याच आउट भएका थिए ।
तेस्रो विकेटको रुपमा पेभिलियन फर्किउका भिम सार्कीले आर्मीका लागि १८ रनको योगदान दिए । उनी ३५ बलमा दुई चौका प्रहार गर्दै १८ रनमा खेलिरहँदा रौटेलाको बलमा सन्दीप जोराको हाताबाट क्याच आउट हुन पुगे ।
त्यसपछि मैदान प्रवेश गरेका कप्तान विनोद भण्डारीले आर्मीको पारी सम्हाल्ने प्रयास गरे । उनले ४२ बलमा एक चौका र तीन छक्काको मद्दतमा ४२ रन जोडे । भुवन कार्कीको बलमा बोल्ड आउट हुन पुगेका भण्डारीले रोहित पौडेलसँग चौथो विकेटको रुपमा ७१ रनको साझेदारी गरेका थिए ।
कुशल मल्ल ११, बिक्रम सोब ४, करन केसी २ र सुशन भारी शुन्यमा आउट भए ।
बलिङतर्फ एपीएफका लागि अभिनास बोहराले तीन विकेट लिए । त्यस्तै अमर रौटेला र भुवन कार्कीले दुई-दुई विकेट लिए । बसन्त रेग्मी र कमल ऐरीले एक-एक विकेट लिए ।
https://wicketnepal.com/k-mayor-cup-cap-sandeep-wn21/
