भारतीय क्रिकेट टिमका ओपनर रोहित शर्माले फिटनेस टेस्ट पास गर्दै अस्ट्रेलिया बिरुद्ध टेस्ट सिरिजको हिस्सा हुने भएका छन्। उनको शुक्रबार भारतको नेसनल क्रिकेट एकेडेमीमा फिटनेस टेस्ट भएको थियो। शर्मा डिसेम्बर १३ मा दुबई हुँदै अस्ट्रेलियाको सिड्नी प्रस्थान गर्नेछन् जहाँ उनि १४ दिन अनिवार्य क्वारेन्टाइन बस्नेछन्।
ईन्डीएन प्रिमियर लिग ( आईपीएल ) को दौरान भएको ह्याम्स ह्यामस्ट्रिंग पछि शर्मा नेसनल क्रिकेट एकेडेमी ( एनसीए ) जानु परेको थियो जहाँ केहि समय बिताएपछि उनलाई चिकित्सकहरुले फिट घोषित गरेका हुन्। रोहित १९ नोभेम्बरमा भारतको बैंगलोर स्थित एनसीए पुगका थिए। उनि अब अस्ट्रेलिया भ्रमणको लागि पूर्णरुपमा फिट छन्।
रोहित फिट घोषित भए पछि उनि अस्ट्रेलिया बिरुद्ध टेस्ट सिरिजको अन्तिम दुई खेलमा भारतीय टिमको हिस्सा हुनको लागि उपलब्ध छन्। रोहित पहिलो दुई खेलबाट भने बाहिर छन्। तेश्रो टेस्ट जनवरी ७ र चौथो टेस्ट जनवरी १५ तारिखबाट सुरु हुनेछ।
रोहित यस अघि अस्ट्रेलिया टुरको तिन वटै फर्म्याटबाट बाहिर थिए। तर पछि उनको आईपीएलको फिटनेसको आधारमा टेस्ट टिममा भने स्थान दिईएको थियो। तर, फिटनेसको कारणले भने उनलाई पहिलो दुई खेलबाट बाहिर राखिएको थियो। अब रोहितले फिटनेस टेस्ट पास गरेको खण्डमा भारतीय क्रिकेट बोर्डले उनको क्वारेन्टाइन अवधि कम गर्नको लागि क्रिकेट अस्ट्रेलियासंग पहल गर्न सक्छ।
भारतीय कप्तान बिराट कोहली सिरिजको पहिलो टेस्ट खेलेपछि भारत फर्किनेछन्। यस्तोमा कोहलीको स्थान परिपूर्ति तथा ओपनिंग स्थानलाई बलियो बनाउनको लागि भारतीय टिम रोहितको उपस्थिति चाहन्छ।
