- विकेटनेपाल, बैशाख ५ – बुधबार
इन्डियन प्रिमियर लिग (आइपिएल) अन्तर्गत गएराती भएको खेलमा मुम्बई इन्डियन्सले रोयल च्यालेंजर्स बेंगलोरलाई ४६ रनले पराजित गर्दै प्रतियोगितामा पहिलो जित दर्ता गरेको छ । मुम्बईले यसअघि खेलेका ३ खेलमा पराजय व्यहोरेको थियो भने बेंगलोरले ३ खेलमा १ मा जित हात पारेको थियो ।
टस हारेको पहिले ब्याटिंग गरेको घरेलु टिम मुम्बई इन्डियन्सले २० ओभरको समाप्तीमा ६ विकेट गुमाएर २१३ रन बनाएको थियो। बेंगलोरका बलर उमेश यादवले पहिलो दुई बलमा २ विकेट लिएपछि ०/२ को अवस्थामा रहेको मुम्बईले त्यसपछि उत्कृस्ट ब्याटिंग गरेको थियो। तेस्रो विकेटको रोहित शर्माले ९४ रन (५२ बल, १० चौका, ५ छक्का) र इभान लुइसले ६५ रन (४२ बल, ६ चौका, ५ चौका) को पारि खेल्दै १०८ रनको साझेदारी गरे, लुइस आउट भएपछी रोहितले आक्रमण जारि राखेका थिए तर शतक बनाउनबाट भने थोरैले चुके। अन्त्यमा हार्दिक पान्ड्यले ५ बलमा १ चौका र २ छक्का सहित १७ रन प्रहार गरे ।
बलिंगतर्फ सबै बलर महँगो साबित भएको इनिंगमा उमेश यादवले ३६ रन खर्चेर तथा कोरी एण्डरसनले ४७ रन खर्चेर समान २/२ विकेट हात पारे भने क्रिस वोक्सले १ विकेट लिए ।
जवाफमा ब्याटिंगमा उत्रेको बेंगलोरले २० ओभरमा ८ विकेट गुमाउंदै १६७ रन मात्र बनाउन सक्यो । पाहुना टिमले ४ ओभरमा ४० रनको उत्कृस्ट ओपनिंग गरेको थियो तर त्यसपछि क्विन्टन डी कक १९ तथा एबि डी भिल्लियर्स १ रनमा आउट भएपछी लय गुमायो। उसका लागि कप्तान विराट कोहलीले अविजित ९२ रन बनाउनेक्रममा ६२ बलमा ७ चौका र ४ छक्का प्रहार गरेपनि जितको लागि पर्याप्त हुन सकेन।
बेंगलोरको इनिंगको पहिलो बल सामना गरेका कोहलीले अन्तिम बल पनि सामना गरेका थिए ।
मुम्बईका लागि क्रुनाल पान्ड्यले ३ विकेट लिन २८ रन खर्चेर भने मिचेल मेक्लेनेघनले २४ तथा जस्प्रित बुम्राहले २८ रन खर्चेर समान २ विकेट लिए । रोहित शर्मा म्यान अफ द म्याच घोषित भए।
अंकतालिका
