सनसनीपूर्ण खेलमा राजस्थान बिरुद्ध चेन्नाईको रोमान्चक जित

अत्यन्त रोमान्चक खेल अन्तिम बलमा जित्दै चेन्नाईले आईपीएलको शिर्ष स्थानमा आफ्नो स्थान कायम गरेको छ। लिग अन्तर्गत २५ औं खेलमा राजस्थान रोयल्सले दिएको १५२ रनको लक्ष्य चेन्नाईले ६ विकेट गुमाएर अन्तिम बलमा भेटायो।

जितसंगै चेन्नाई ७ खेलमा ६ जित र १ हार बेहोर्दा १२ अंक सहित अंकतालिकाको शिर्ष स्थानमा रहेको छ। राजस्थान भने ६ खेलमा १ जित र ५ हार बेहोर्दै २ अंक बटुल्दा सातौँ स्थानमा रहेको छ।

राजस्थानले दिएको १५२ रनको लक्ष्य पछ्याउने क्रममा चेन्नाईको सुरुवात अत्यन्त नाजुक रह्यो। ओपनर शेन वाटसन खाता नखोली र फाफ डु प्लेसिस ७ रन बनाएर आउट भए। सुरेश रैना ४ रन र केदार जाधब १ रन बनाएर आउट हुँदा पहिलो ४ विकेट गुमाउदा चेन्नाईले ५.५ ओभरमा २४ रन मात्रै बनाएको थियो।

पाँचौ विकेटको लागि कप्तान महेन्द्र सिंह धोनी र अम्बाती रायडुले ९५ रनको साझेदारी गर्दै चेन्नाईको योगफल १०० पार गराए।

१८ औ ओभरमा रायडुलाई बेन स्टोक्सले आउट गरेपछि राजस्थान खेलमा फर्क्यो। रायडुले ४७ बलमा २ चौका र ३ छक्का मदतले ५७ रन बनाए।

रायडुको विकेटपछि १८ ओभरमा चेन्नाईको योगफल १२२/५ थियो। जितको लागि १२ बलमा ३० रन आवस्यक रह्यो।

१९ औं ओभर बलिङ्ग गर्न आएका जोफ्रा आर्चरले १२ रन खर्चिए पछि अन्तिम ओभरमा चेन्नाईलाई जित्न १८ रन आवस्यक रह्यो।

रोमान्चक अन्तिम ओभर      

अन्तिम ओभरमा बलिङ्ग गर्न आए बेन स्टक्स जसको पहिलो बलमा रभिन्द्र जडेजाले छक्का प्रहार गरे। त्यस लगत्तैको बलमा जडेजाले नो बल फाले जसमा जडेजाले १ रन लिएर स्ट्राइक धोनीलाई दिए।

धोनीले दोश्रो बलमा २ रन लिए तर तेश्रो बलमा स्टोक्सले गरेको योर्करमा बोल्ड हुँदै मैदान बहिरिंदा खेलमा पुनः राजस्थान हाबी हुने देखियो। धोनीले ४३ बलमा ५८ रन बनाए जुन क्रममा २ चौका र ३ छक्का प्रहार गरे।

धोनीको विकेटपछिको बलमा नयाँ ब्याट्सम्यान मिचेल स्यान्टनरले २ रन लिए। अब जितको लागि २ बलमा चेन्नाईलाई ६ रन आवस्यक रह्यो।

चौथो बलमा स्यान्टनरले पुनः २ रन लिए जसपछि अन्तिम बलमा अब ४ रन आवस्यक रह्यो। त्यसपछि स्टोक्सले अन्तिम बलमा वाईड बल फाले जसपछि अन्तिम बलमा अब ३ रन आवस्यक रह्यो।

अन्तिम बलमा स्टोक्सले अफ साईडमा फालेको सुस्त बलमा स्यान्टनरले छक्का ! प्रहार गर्दै चेन्नाईलाई रोमान्चक जित दिलाए।

अन्तिम ओभरमा चेन्नाईले कुल २१ रन बनाउदै २० ओभरमा ६ विकेट गुमाएर १५५ रन बनायो र खेल ४ विकेटले जित्यो।

स्यान्टनर १० रनमा अविजित रहे जसले ३ बलमा १ छक्का प्रहार गरे भने जडेजाले ४ बलमा १ छक्का मदतले ९ रन बनाए।

राजस्थानको लागि बेन स्टोक्सले २ विकेट लिए पनि खेल भने जिताउन सकेनन्। उनले ३ ओभरमा ३९ रन खर्चिए।

राजस्थानको ब्याटिंग 

खेलमा टस हारेर ब्याटिंग गरेको राजस्थानले २० ओभरमा ७ विकेट गुमाएर १५१ रनको योगफल तयार गरेको थियो।

राजस्थानको इनिंगमा ब्याटिंग गरेका ९ जना मध्ये ८ जना ब्याट्सम्यानले दोहोरो अंकमा रन बनाए पनि कुनै पनि ब्याट्सम्यानले अर्धशतक बनाउन सकेनन् भने ठुलो साझेदारी पनि बन्न सकेन। बेन स्टोक्सले सर्वाधिक २८ रन, जोस बटलरले २३ रन बनाए भने अन्तिममा श्रेयस गोपालले अविजित १९ ( ७ बलमा २ चौका र १ छक्का ) र जोफ्रा आर्चरले अविजित १३ रन बनाए।

चेन्नाई बलर दिपक चाहर ( ४-०-३३-२ ) , शार्दुल ठाकुर ( ४-०-४४-२ ) , रभिन्द्र जडेजा ( ४-०-२०-२ ) ले २/२ विकेट लिए भने मिचेल स्यान्टनरले १ विकेट ( ४-०-२५-१ ) लिए।

 





थप समाचार

आस्थालाई पराजित गर्दै प्यारामाउन्टले जित्यो नेसनल हाइस्कुल च्याम्पियनसिपको राष्ट्रिय फाइनल

काठमाडौं। आस्था कलेजलाई पराजित गर्दै प्यारामाउन्ट कलेजले नेसनल हाइस्कुल च्याम्पियनसिप (एनएचसी) को राष्ट्रिय फाइनल जितेको छ। तल्लो मूलपानी मैदानमा शनिबार […]

दिपेन्द्र सिंह ऐरीले डिसिएबाट अर्जुन ट्रफी खेल्ने

नेपाली अलराउण्डर दिपेन्द्र सिंह ऐरीले डिसिएबाट अर्जुन ट्रफी खेल्ने भएका छन् । धनगढीमा जारी प्रतियोगिताको सेमिफाईनल पुगेको डिसिए धनगढीले ऐरीलाई […]

अर्जुन ट्रफीः कुशल भुर्तेलको अलराउण्ड प्रदर्शनमा डडेल्धुरा फाईनलमा

कैलाली, माघ २६ नेपाली राष्ट्रिय क्रिकेट टोलीका सदस्य कुशल भुर्तेल चम्किएपछि फेण्ड्स युथ क्लब डडेल्धुरा क्रिकेटको शहर धनगढीमा भईरहेको अर्जुन […]

ग्रेट हिमालय काठमाडौं छनोटको उपाधि फाइनलमा

काठमाडौँ । ग्रेट हिमालय क्रिकेट एकेडेमी प्रधानमन्त्री कप पुरुष क्रिकेट काठमाडौं जिल्ला छनोटको उपाधि नजिक पुगेको छ। मूलपानीको माथिल्लो क्रिकेट […]

आगामी पाँच वर्षभित्र नेपालले टेस्ट क्रिकेट खेल्छ : आसिफ शेख

काठमाडौँ । नेपाली क्रिकेटको विकास र भविष्यबारे विशेष चर्चा गरिएको नेपाल क्रिकेटस् संघर्षदेखि सफलताको उत्सवसम्म कार्यक्रम बिहिवार राजधानीमा सम्पन्न भएको […]

क्रिकेट एक्सिलेन्स सेन्टर फाइनलमा

काठमाडौं । महावीर स्टडिज एन्ड एथलेटिक्स सेन्टरलाई हराउँदै क्रिकेट एक्सिलेन्स सेन्टर फाइनलमा प्रवेश गरेको छ। माथिल्लो मुलपानी क्रिकेट मैदानमा शुक्रबार […]