महिला बिगब्यास लिगको टिम मेलबर्न रेनेगेड्स टिममा प्रशिक्षण गर्ने मौका पाएकी रुबिना क्षेत्री बुधबार १२:३० बजे अस्ट्रेलिया प्रस्थान गर्नेछिन् l
रुबिना सहित ६ एसोसियट रास्ट्रका ८ खेलाडीहरुलाई बिग ब्यासका आठ टिममा स्थान दिईएको हो l नेपालबाट रुबिनासंगै हंगकंग बाट एम्मा लाई, आयरल्याण्डबाट गाबी लुइस र किम गार्थ, स्कटल्याण्डबाट क्याथरिन ब्राइस, पपुवा न्यु गिनीबाट कोनियो ओला र रभिनी ओएले मौका पाएका छन् l रुबिना मर्लबर्न रेनेगेड्स टिमको हिस्सा हुनेछिन् l
छानिएका खेलाडीहरुले महिला बिग ब्यास लिगमा खेलाडी घाइते भएमा टोलिमा समेत स्थान बनाउने आईसीसीले आफ्नो प्रेस बिज्ञप्तिमा बताएको छ l खेलाडीहरुले २ हफ्ता अस्ट्रेलिया बसाईको क्रममा कोहि बिग ब्यास क्लबमा अनुबन्धित खेलाडी घाइते भएको खण्डमा स्थानीय खेलाडी सरह टिममा प्रतिस्थापन गर्न पाउने बताईएको छ l
बिग ब्यास लिगको दोश्रो सिजन १० डिसेम्बर देखि सुरु भइसकेको छ जुन २८ जनवरी सम्म चल्नेछ l
एसोसियट रास्ट्रहरुको खेलाडीहरुलाई पनि एक्सपोजरको मौका दिन गत वर्ष देखि यो कार्यक्रम थालिएको हो l
गत बर्ष पहिलो महिला बिग ब्यास लिगले सफलता पाएपछि यो सुरुवातबाट क्रिकेटका उदयमान रास्ट्रलाई समेत सामेल गराउन क्रिकेट अस्ट्रेलिया संग सहकार्यमा यो प्रयासको थालनी गरिएको आईसीसीले बताएको छ l
रुबिना यस भन्दा अघि पनि एसीसीको कार्यक्रममा श्रीलंकामा २०१३ मा श्रीलंकन ए डिभिजन महिला क्रिकेट लिगमा पालिंक स्पोर्ट्स क्लबबाट खेल्ने अवसर पाएकी थिईन् l २०१२ देखि नेपाली महिला क्रिकेट टिमको कप्तानी सम्हालिरहेकी रुबिनाले २००९ को एसीसी वोमेन्स टि-२० देखि नेपाली टिमको प्रतिनिधित्व गरिरहेकी छिन् l
