- विकेटनेपाल, २७ साउन
७ रास्ट्रिय महिला क्रिकेटरहरु बिशेष प्रशिक्षणको लागि भारतको नयाँ दिल्ली पुगेका छन् l
राइजिंग क्रिकेट फर वुमेन क्लब क्लबको प्रतिनिधित्व गर्ने ७ जना खेलाडी र १ जना ब्यबस्थापकको टिम शुक्रबार दिल्लीको टि.एन. मेमोरियल क्रिकेट एकेडेमीको निमन्त्रणामा भारत पुगेको हो l
महिला रास्ट्रिय क्रिकेट टिम कप्तान रुबिना क्षेत्री, पुर्ब कप्तान नेरी थापा सहित आरति बिडारी, रोम थापा, सुमन खतिवडा, गीता गोसाई, अश्मिना कर्माचार्य प्रशिक्षण टोलिमा छन् l
१५ दिन भारतमा बिताउने टोलिले टि.एन. मेमोरियल क्रिकेट एकेडेमीमा अभ्यास खेल खेल्ने तथा बिशेष प्रशिक्षण समेत लिनेछ l प्रशिक्षणको लागि राइजिंग क्रिकेट फर वुमेनलाई टि.एन. मेमोरियल क्रिकेट एकेडेमीले निमन्त्रणा दिएको थियो l
आउदै गरेको महिला टि-२० बिश्वकप छनौट प्रतियोगिताको तयारी तथा एक्सपोजरको लागि टिम भारत अभ्यास भ्रमण गरेको भ्रमण टोलिकि सदस्य आरति बिडारीले भ्रमण अघि विकेटनेपाललाई जानकारी गराएकि छिन् l
राइजिंग क्रिकेट वुमेनले यसै बर्ष बैशाखमा सम्पन्न अत्तरिया कप महिला क्रिकेटको उपाधि जित्ने क्रममा फाइनल खेलमा शशस्त्र प्रहरी बल एपीएफलाई पराजित गर्दै २ लाख रुपियाँ जितेको थियो l क्लबले देश विदेशमा बिभिन्न प्रतियोगितामा सहभागीता जनाउने तथा प्रतियोगिताहरु आयोजना समेत गरिरहेको छ l
