रुपन्देहीद्वारा मलेसिया-११ स्तब्ध, बसिरको अलराउण्ड प्रदर्शन

मलेसिया राष्ट्रिय क्रिकेट टिमको प्रतिनिधित्व गरिरहेको मलेसिया क्रिकेट-११ लाई ६ विकेटले पराजित गर्दै रुपन्देही क्रिकेट संघ-११ ले प्रो-क्लब च्याम्पियनसिपमा विजयी सुरुवात गरेको छ।

भैरहवा स्थित सिद्धार्थ रंगशालामा सम्पन्न खेलमा मलेसियाले दिएको १३२ रनको लक्ष रुपन्देहीले ४ बल बाँकी रहँदै ४ विकेट गुमाएर भेटायो। खेलको स्कोरकार्ड 

लक्ष पछ्याउने क्रममा रुपन्देही-११ का ओपनर प्रज्वल थापाले सर्वाधिक ३८ रन, बसिर एहमदले अविजित २७ रन, सन्दिप रजालीले अविजित २४ रन तथा देव खनालले २२ रन बनाए।

लक्ष पछ्याउदा ओपनर प्रज्वल र देवले ५२ रनको ओपनिंग साझेदारी गरे। त्यसपछि लगातार विकेट गुमाएको अवस्थामा पाँचौ विकेटको लागि अविजित ४२ रनको साझेदारी गर्दै टिमलाई जित दिलाए। बसिरले १८ बलमा ४ चौका तथा रजालीले १४ बलमा २ चौका र २ छक्का प्रहार गरे।

मलेसियाका बलर भिरनदिप सिंहले २ तथा मुहम्मद अमिर र सयद अजिजले १/१ विकेट लिए।


टस जितेर ब्याटिंग गरेको मलेसियाले १९.५ ओभरमा १३१ रनमा सबै विकेट गुमायो। उसको लागि ओपनर भिरनदिप सिंहले सर्वाधिक ६६ रन , शर्भीन मुनिएन्डीले २८ तथा सयद अजिजले २५ रन बनाए।

रुपन्देहीको बलिंगमा कप्तान कृष्ण कार्कीले ३ तथा बसिर एहमदले २ विकेट लिए। अनिल खरेल, दुर्गेश गुप्ता र बिक्रम भुसालले १/१ विकेट लिए।

खेलको प्लेयर अफ द म्याच अलराउण्ड प्रदर्शन गरेका बसिर एहमद चुनिए।

खेलको स्कोरकार्ड 

प्रतियोगितामा नेपाल, भारत, बंगलादेश र मलेसियाका ८ टिम सहभागी छन् जसलाई दुई समुहमा बिभाजन गरिएको छ।

समुह ‘ए’ मा रुपन्देही क्रिकेट संघ-११, मलेसिया-११, नेपाल पुलिस क्लब र पुश स्पोर्ट्स दिल्ली छन्। समुह ‘बि’ मा नेपाल आर्मी, शशस्त्र प्रहरी बल, उत्तर प्रदेश-११ र ट्यालेन्ट हन्ट क्रिकेट एकेडेमी ढाका छन्। समुह चरणमा सबै टिमले एक अर्कासंग १-१ खेल खेलेपछि समुहको उत्कृस्ट दुई टिम सेमीफाइनल पुग्नेछन्।

एभरेस्ट प्रिमियर लिग आयोजना गर्दै आएको जोहरा स्पोर्ट्स म्यानेजमेन्टले आयोजना गरेको प्रतियोगिता अप्रिल १६ तारिखसम्म संचालन हुनेछ।





थप समाचार

मधेस प्रदेश सरकारले आसिफलाई दुई लाख प्रदान गर्ने

जनकपुरधाम, चैत १० गते । मधेस प्रदेश सरकारले यस प्रदेशका अन्तर्राष्ट्रिय खेलाडी आसिफ शेखलाई दुई लाख प्रदान गर्ने घोषणा गरेको […]

एपीएफ र सुदूरपश्चिम विजयी

विभागीय टोलीको एपीएफ क्लब र सुदूरपश्चिम प्रदेशले ललितपुर मेयर कप महिला टी–२० राष्ट्रिय क्रिकेट प्रतियोगितामा विजयी सुरुवात गरेको छ । […]

‘द हन्ड्रेड’ को ड्राफ्ट आज, सन्दीप र अर्जुन ड्राफ्टमा

काठमाडौँ । इंग्ल्यान्डमा आयोजना हुने ‘द हन्ड्रेड’ क्रिकेटको खेलाडी छनोटको लागि ड्राफ्ट आज हुदैछ । नेपाली राष्ट्रिय क्रिकेट टोलीका पूर्व […]

प्रशिक्षक देसाईको तलव बढ्यो

नेपाल क्रिकेट संघ (क्यान)ले क्रिकेट प्रशिक्षकको तलब वृद्धि गरेको छ । आइसीसी विश्वकप लिग-२ मा नेपाली टिमलाई राम्रो नतिजा दिलाएपछि […]

नेपालको एकदिवसीय वरियता सुधार

एकदिवसीय अन्तर्राष्ट्रिय क्रिकेट वरीयतामा नेपालले फेरि एक स्थान सुधार गरेको छ । अन्तर्राष्ट्रिय क्रिकेट परिषद् (आईसीसी) ले बुधबार सार्वजनिक गरेको […]

चितवन रङ्गशालाबारे धुर्मुसले भने : देशका लागि काम गर्दा यति कठोर सजाय होला भन्ने कल्पनै थिएन

कलाकार सीताराम कट्टेल ‘धुर्मुस’ ले चितवनमा बनिरहेको क्रिकेट रङ्गशालाबारे छिटो निर्णय गरिदिन सरकारलाई आग्रह गरेका छन् । मङ्गलवार रङ्गशालाबाट सामाजिक […]