वेस्टइन्डिजमा जारि करेबियन प्रिमियर लिग ( सिपिएल टि-२० ) मा आन्द्रे रसेलले मात्र १४ बलमा अर्धशतक बनाउदै रेकर्ड बनाएका छन्।
जमैका तलावाजको प्रतिनिधित्व गर्ने क्रममा रसेलले सेन्ट लुसिया बिरुद्धको खेलमा पाँचौ नम्बरमा ब्याटिंग गर्दै १४ बलमा ३ चौका र ६ छक्का प्रहार गर्दै अविजित ५० रन बनाएका हुन्।
इनिंग्सको १८ औं ओभरमा ब्याटिंग गर्न आएका रसेलले पहिलो बलमा १ रन लिएका थिए। त्यस पछि १९ औं ओभरको पहिलो बलमा वाहब रियाजलाई छक्का प्रहार गरेका उनले ओभरमा कुल ४ छक्का र १ चौका प्रहार गरे। २० औं ओभरको दोश्रो बल सामना गरेका उनले लगातार ओबेद म्याकोयलाई लगातार २ छक्का प्रहार गरे भने ओभरको अन्तिम २ बलमा चौका हिर्काउदै अर्धशतक पुरा गरेका थिए। छक्का टाईमलाईन ( १, ६, ०, १, ६, ६, ४, ६, ६, ६, ०, ० , ४, ४ )
RECORD BREAKER!!! We have a new owner of our FASTEST FIFTY @Russell12A smashes 50 off 14 balls! #CPL21 #JTvSLK #CricketPlayedLouder pic.twitter.com/bgW7IA0IZk
— CPL T20 (@CPL) August 27, 2021
सिपिएल टि-२० इतिहासकै यो सबैभन्दा छिटो अर्धशतक हो भने टि-२० क्रिकेटमा संयुक्त रुपमा तेश्रो छिटो अर्धशतक हो। हालसम्म टि-२० क्रिकेटमा ९ जना ब्याट्सम्यानले १४ बलमा अर्धशतक बनाएका छन्। रसेलले यस अघि गत वर्ष लंका प्रिमियर लिगमा कोलोम्बो किंग्सको प्रतिनिधित्व गर्ने क्रममा १४ बलमै अर्धशतक बनाएका थिए। टि-२० क्रिकेटमा सबैभन्दा छिटो अर्धशतक बनाउने रेकर्ड युभराज सिंह, क्रिस गेल र हज्रतुल्लाह जजाईको नाममा रहेको छ जसले समान १२ बलमा अर्धशतक बनाएका थिए। इंग्ल्यान्डका मार्कस थ्रेस्कोथिकले १३ बलमा अर्धशतक बनाएका थिए।
रसेलको आक्रामक इनिंग्स मद्दतले खेलमा जमैकाले टस हारेर ब्याटिंग गर्दै २० ओभरमा ५ विकेट क्षेतीमा २५५ रन बनाएको छ। यो योगफल सिपिएल टि-२० इतिहासकै दोश्रो ठूलो योगफल हो।
