दक्षिण अफ्रीकासंग श्रीलंका सहजै पराजित

इंग्ल्याण्डमा जारि एकदिवसीय विश्वकप क्रिकेट प्रतियोगिता अन्तर्गत दक्षिण अफ्रीकाले आफ्नो आठौँ खेलमा आफ्नो दोश्रो जित निकालेको छ।

सेमीफाइनल दौड बाट दक्षिण अफ्रीका बाहिरीसकेको दक्षिण अफ्रीकाले यस अघि अफगानिस्तानलाई ९ विकेटले पराजित गरेको थियो भने पाकिस्तान, न्युजिल्याण्ड, भारत, बंगलादेश र इंग्ल्याण्डसंग पराजित भएको थियो।

हार पछि सातौँ खेलमा २ जित, ३ हार र २ नतिजाविहिन अंक सहित श्रीलंकाको सेमीफाइनल सम्भावना झिनो बनेको छ। श्रीलंकाले अब वेस्ट इन्डिज र भारतसंग खेल्न बाँकी रहेको छ।

खेलमा श्रीलंकाले दिएको २०४ रनको लक्ष्य दक्षिण अफ्रीकाले १ विकेट मात्र गुमाएर ३७.२ ओभरमै पुरा गर्यो।

ओपनर क्विन्टन डीकक १५ रन बनाएर आउट भएपछि हासिम अमला र कप्तान फाफ डु प्लेसिसले शतकीय साझेदारी गर्दै टिमलाई जित नजिक पुर्याए।

अमलाले अविजित ८०( १०५ बलमा ५ चौका )  तथा डु प्लेसिसले अविजित ९६ रन ( १०३ बलमा १० चौका र १ छक्का )  बनाए।

श्रीलंकाको लागि एक मात्र विकेट लासिथ मलिंगाले लिए।

यस अघि टस हारेर ब्याटिंग गरेको श्रीलंकाले ४९.३ ओभरमा सबै विकेट गुमाएर २०३ रनको योगफल तयार गरेको थियो।

श्रीलंकाको कुनै पनि ब्याट्सम्यानले ठुलो योगफल बनाउन सकेनन्। कुशल परेरा र अभिस्का फर्नान्डोले सर्वाधिक ३०/३० रन बनाए। यस्तै धनन्जय डी सिल्भाले २४, कुशल मेन्डिसले २३, थिसारा परेराले २१ रन बनाए।

दोश्रो विकेटको लागि फर्नान्डो र परेराले ६७ रनको साझेदारी गरे पनि श्रीलंकाको इनिंगमा त्यसपछि ठुलो साझेदारी हुन सकेन।

दक्षिण अफ्रीकाको बलिंगमा क्रिस मोरिस ( ९.३-०-४६-३ ) र ड्वेन प्रिटोरियस ( १०-२-२५-३ ) ले ३/३ तथा कागीसो रबाडा ( १०-२-३६-२ ) ले २ विकेट लिए। एन्डीले फेलुक्वायो र जेपी डुमिनीले १/१ विकेट लिए।

 





थप समाचार

टियुलाई सुविधा सम्पन्न बनाउँने सरकारको निर्णय

काठमाडौं । नेपालको सबैभन्दा पुरानो कीर्तिपुर अन्तर्राष्ट्रिय क्रिकेट मैदानलाई सुविधासपन्न बनाउँने सरकारले पहिलो निर्णय गरेको छ । सोमबार बसेको नवनिर्वाचित […]

विश्वकपका लागि नेपालको प्रारम्भिक टोलीको घोषणा

काठमाडौं । नेत्रहिन क्रिकेट संघ नेपालले चौथो नेत्रहिन क्रिकेट विश्वकपका लागि १९ सदस्यीय नेपाली टोलीको घोषणा गरेको छ । सोमबार […]

चौधरी बने खेलकुद मन्त्री

काठमाडौं । तेजुलाल चौधरी सोमबार युवा तथा खेलकुदमन्त्री बनेका छन् । केपी शर्मा ओलीको नेतृत्वमा गठन भएको नयाँ मन्त्रीमण्डलमा नेपाली कांग्रेसका […]

जिम्बावेविरुद्धको सिरिज भारतले जित्यो

काठमाडौं । जिम्बावेविरुद्धको पाँच खेलको टी-२० आईको सिरिज पाहुना टोली भारतले ४-१ ले जितेको छ । आईतबार भएको सिरिजको पाँचौ […]

पोन्टिङ मुख्य प्रशिक्षकबाट हटाइए

काठमाडौं । रिकी पोन्टिङले इन्डियन प्रिमियर लिग (आइपीएल) फ्रेन्चाइज दिल्ली क्यापिटल्सको मुख्य प्रशिक्षक पदबाट हटाईएका छन् । २०२५ को आईपीएलको […]

एन्डरसनको स्थान वुडले लिने

काठमाडौं । इंग्ल्यान्डले तीव्र गतिका बलर जेम्स एन्डरसनले सन्यास लिएपछि वेस्ट इन्डिजविरुद्धको दोस्रो टेस्टका लागि मार्क वुडलाई टोलीमा समावेश गरेको […]