टि-२० विश्वकप : रोसुको शतकमा दक्षिण अफ्रीकाको कीर्तिमानी विशाल जित

बंगलादेश बिरुद्ध कीर्तिमानी विशाल जित दर्ता गर्दै दक्षिण अफ्रीकाले अस्ट्रेलियामा जारि टि-२० विश्वकपको सुपर-१२ चरणमा पहिलो जित दर्ता गरेको छ। वर्षाका कारण आफ्नो पहिलो खेलमा दक्षिण अफ्रीकाले जिम्बाब्वेसंग अंक बाँड्नु परेको थियो। बंगलादेशले पहिलो खेलमा नेदरल्याण्डलाई पराजित गरेको थियो।

सिड्नी क्रिकेट ग्राउण्डमा दक्षिण अफ्रीकाले १०४ रनको विशाल जित दर्ता गर्यो। दक्षिण अफ्रीकाले दिएको २०६ रनको लक्ष्य पछ्याएको बंगलादेशले १६.३ ओभरमा १०१ रन मात्र बनायो।

१०४ रनको जित बंगलादेश बिरुद्ध टि-२० अन्तर्राष्ट्रियमा दक्षिण अफ्रीकाको इतिहासकै विशाल रन अन्तरको जित हो भने समग्रमा टि-२० अन्तर्राष्ट्रियको दोश्रो ठूलो रन अन्तरको जित हो। स्कटल्याण्ड बिरुद्ध २००९ मा १३० रनको जित दक्षिण अफ्रीकाको सबैभन्दा विशाल रनअन्तरको जित हो।

लक्ष्य पछ्याउने क्रममा बंगलादेशको लागि लिटन दासले सर्वाधिक ३४ रन, सौम्य सरकारले १५ रन बनाए। दक्षिण अफ्रिकी पेसर एनरिक नोर्कियाले ४ विकेट ( ३.३-०-१०-४ ) तथा तब्रेज शाम्सीले ३ विकेट ( ४-०-२०-३ ) बंगलादेश इनिंग्स ध्वस्त पारे। कागीसो रबाडा र केशव महाराजले १/१ विकेट लिए।

यस अघि टस जितेर ब्याटिंग गरेको दक्षिण अफ्रीकाले २० ओभरमा ५ विकेट क्षेतीमा २०५ रन बनायो।

दक्षिण अफ्रीकाको लागि तेश्रो नम्बरमा ब्याटिंग गरेका राइली रोसुले विस्फोटक शतक बनाउने क्रममा १०९ रन बनाए जुन क्रममा ५६ बलमा ७ चौका र ८ छक्का प्रहार गरे।  क्विन्टन डीककले ३८ बलमा ७ चौका र ३ छक्का मद्दतले ६३ रन बनाए। दोश्रो विकेटको लागि रोसु र डीकक्ले १६९ रनको साझेदारी गरे।

प्लेयर अफ द म्याच घोषित रोसुको यो लगातार दोश्रो टि-२० अन्तर्राष्ट्रिय शतक हो। यस अघि उनले यसै महिना भारत बिरुद्ध अविजित १०० रन बनाएका थिए।

बंगलादेशको बलिंगमा शाकिब अल हसनले २ विकेट, तास्किन एहमद, हसन महमुद र अफिफ होसेनले १/१ विकेट लिए।

अंकतालिका 





थप समाचार

नेपाललाई स्तब्ध बनाउँदै नेदरल्यान्ड्स च्याम्पियन

काठमाडौं । नेपाललाई हराउँदै नेदरल्यान्ड्सले त्रिदेशीय सिरिजको उपाधी जितेको छ । नेपाल, नामिबिया र नेदरल्यान्ड्स सहभागी सिरिजमा घरेलु टाेलीलाइ स्तब्ध […]

च्याम्पियन बन्न नेदरल्यान्ड्सलाई १ सय ८५ रनको लक्ष्य

काठमाडौं । राजधानीमा जारी त्रिदेशीय टी-ट्वान्टी आई सिरिजको च्याम्पियन बन्न नेपालले नेदरल्यान्ड्सलाई १ सय ८५ रनको लक्ष्य दिएको छ । […]

नेपालले टस जित्यो

काठमाडौं । नेपालले नेदरल्यान्ड्सविरुद्ध टस जितेको छ । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल […]

फाइनल खेलमा नेपालको सम्भावित प्लेईङ-११

काठमाडौं । मंगलबार नेपाल, नामिबिया र नेदरल्यान्ड्स सम्मिलित टी-ट्वान्टी आईको फाइनल खेलमा नेपाल र नेदरल्यान्ड्स खेल्दै छन् । नेपाल र […]

नेदरल्यान्ड्स र नेपाल फाइनलमा भिड्दै, यस्तो छ ईतिहास

काठमाडौं । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल खेलमा घरेलु टोली र नेदरल्यान्ड्सले मंगलबार […]

नेपालसँग खेल्ने आयरल्यान्ड वल्भ्सको टोली घोषणा, सिरिज मार्च २४ बाट

काठमाडौं । नेपाली सिनियर राष्ट्रिय टोली तथा नेपाल ए सँग खेल्ने आयरल्यान्ड वल्भ्सको टोली घोषणा भएको छ । आइतबार क्रिकेट […]