इंग्ल्याण्डमा जारि एकदिवसीय विश्वकप प्रतियोगिता अन्तर्गत २५ औं खेलमा न्युजिल्याण्ड र दक्षिण अफ्रीका प्रतिस्पर्धा गरिरहेका छन्।
खेलमा पहिले ब्याटिंग गरेको दक्षिण अफ्रीकाले निर्धारित ४९ ओभरमा ६ विकेट गुमाएर २४१ रन बनाएको छ। भिजेको आउटफिल्डका कारण खेल १ ओभर घटाइएको थियो।
एजब्यासटन मैदानमा टस हारेर ब्याटिंग गरेको दक्षिण अफ्रीकाको लागि रस्सी भान डर डुसेनले सर्वाधिक अविजित ६७ रन बनाए जुन क्रममा ६४ बलमा २ चौका र ३ छक्का प्रहार गरे। यस्तै हाशिम अमलाले ५५, एडेन मारक्रमले ३८ तथा डेभिड मिलरले ३६ रन बनाए।
रस्सी भान डर डुसेन र डेभिड मिलरलले पाँचौ विकेटको लागि ७४ रनको साझेदारी गरेका थिए।
न्युजिल्यान्डको लागि बलिंगमा लकी फर्गुसनले ३ विकेट ( १०-०-५९-३ ) तथा ट्रेन्ट बोल्ट ( १०-०-६३-१ ) , कोलिन डी ग्रयाण्डहोम ( १०-०-३३-१ ) र मिचेल स्यांटनर ( ९-०-४५-१ ) ले १/१ विकेट लिए। म्याट हेनरीले विकेट नलिए पनि १० ओभरमा २ मेडन गर्दै ३४ रन मात्र खर्चिए।
प्रतियोगितामा दक्षिण अफ्रीकाले ५ खेल खेल्दा १ जित बेहोर्दा ३ हार १ खेल नतिजाविहिन रहेको थियो। न्युजिल्याण्डले भने ४ खेलमा ३ जित बेहोरेको छ भने १ खेल नतिजा विहिन रहेको थियो।
दक्षिण अफ्रीकाको नतिजा :-
अफगानिस्तानसंग ९ विकेटले विजयी , वेस्ट इन्डिजसंग खेल नतिजा विहिन , भारतसंग ६ विकेटले पराजित , बंगालदेशसंग २१ रनले पराजित
न्युजिल्याण्डको नतिजा :-
भारतसंग खेल नतिजा विहिन , अफगानिस्तानसंग ७ विकेटले विजयी , बंगलादेशसंग २ विकेटले विजयी , श्रीलंकासंग १० विकेटले विजयी
