- विकेटनेपाल, भदौ २२
एसिया कप छनौट प्रतियोगितामा सहभागी नेपाली राष्ट्रिय क्रिकेट टिम शुक्रबार दिउसो स्वदेश आगमन गर्यो। एसिया कपमा छनौट हुने र भारत, पाकिस्तानसंग खेल्ने उद्देश्य लिएको टिमले सोचे भन्दा खराब प्रदर्शन गरेपछि चौथो स्थानमा रहँदै घर फर्कन बाध्य भयो।
एकदिवसीय राष्ट्रको मान्यता पाएपछि नेपाली क्रिकेट टिमले नेपाली समर्थकहरुको एसिया कप खेल्ने बिश्वास स्वाभाविक थियो तर समर्थकहरुको आशा निराशामा बदलिंदा नेपाली टिम पनि एअरपोर्टमा हाँस्न सकेन।
१२:१५ बजे दिउसो ल्याण्ड गरेको टिम १ घण्टा पछि बाहिर निस्कदा कप्तान पारस खड्का टिमको नेतृत्व गर्दै अघि आए। पारस लगायत सम्पूर्ण टिमको अनुहारमा निराशा देखिन्थ्यो भने अधिकांश खेलाडीहरुले क्यामरामा सिधा हेर्न सकेनन्। झुकेको शिर र मलिन अनुहारमा खेलाडीहरुमा पश्चाताप स्पस्ट झल्किएको थियो।
कप्तान पारस खड्काले उपस्थित मिडियाहरुलाई अन्तर्वार्ता दिएपछि सामुहिक तस्बिर खिचाउने क्रममा सुबास खकुरेल, करन केसी, बिनोद भण्डारी, ललित भण्डारी उपस्थित थिएनन् जुन समयमा उनीहरु एअरपोर्ट बाहिर रहेको टिम बसमा बसीसकेका थिए। औपचारिकताको लागि मात्रै तस्बिर खिचाउने क्रममा खेलाडीहरु सिधा हेर्न सकीरहेका थिएनन्।
फोटोहरुमा हेर्नुस एअरपोर्टमा खेलाडीहरुको निराशा –
