सागको लागि महिला क्रिकेट टिमको तयारी सुरु, पुरुष टिमको अझै अनिश्चित

मङ्सिर १५ देखि २४ सम्म ( डिसेम्बर १ देखि ) नेपालमा आयोजना हुने दक्षिण एसियाली खेलकुदको ( साग ) लागि नेपाली महिला क्रिकेट टिमले तयारी सुरु गरेको छ।

बुधबार राष्ट्रिय खेलकुद परिषदका सदस्य सचिव रमेश शिलवालले प्रशिक्षक जगत टमाटा, कप्तान रुबिना क्षेत्री र उपकप्तान सिता राना मगरलाई क्रिकेट बल हस्तान्तरण गर्दै अभ्यास उद्घाटन गरेका हुन्।

टियु मैदानमा सुरु भएको अभ्यासमा ३५ जना खेलाडीहरुलाई प्रारम्भिक टोलिमा राखेर अभ्यास सुरु गरिएको छ। पहिलो दिन १४ जना खेलाडी मात्र उपस्थित थिए। महिला टिमलाई जगत टमाटा र सामसन जंग थापाले प्रशिक्षक दिनेछन्।

फोटो – सुमन राज कार्की

एसियाली खेलकुद अन्तर्गत महिला क्रिकेट पोखरामा संचालन हुने सम्भावना रहेको छ। पुरुष क्रिकेट भने टियु मैदानमा आयोजना हुनेछ। पुरुष क्रिकेट टिमको तयारी भने अझै सुरु भएको छैन। टियु मैदानमा यतिबेला यु-१९ एसिया कपको तयारीको लागि नेपाली युवा टिम अभ्यासरत रहेको छ।

नेपालले अक्टोबर ५ देखि १० सम्म ( असोज १८ देखि – २३ ) ओमानमा ५ देश सहभागी हुने टि-२० सिरिज खेल्नेछ जसको लागि पनि अभ्यास सुरु गर्नुपर्नेछ।  प्रतियोगितामा आयोजक ओमान र नेपाल सहित, हंगकंग, आयरल्याण्ड र नेदरल्याण्ड सहभागी हुनेछन्। साग र उक्त टि-२० सिरिजको अभ्यास एकैपटकमा हुने सम्भावना रहेको छ। आईसीसीको अनुमतिमा अभ्यास सुरु गर्ने हुँदा नेपाली पुरुष टिमको अभ्यास अझै ढिला सुरु हुनेछ। प्रशिक्षक उमेश पटवाल पनि अहिले नेपाल बाहिर विदामा रहेका छन्।

अन्तिम पटक नेपाली महिला राष्ट्रिय टिमले यसरी वर्ष फेब्रुवरीमा थाईल्याण्डमा टि-२० विश्वकप छनौट ( एसिया ) खेलेको थियो। उक्त प्रतियोगितामा नेपालले दोश्रो स्थान हाँसिल गरे पनि थाईल्याण्ड प्रथम हुँदा अर्को चरणको लागि छनौट हुन असफल भएको थियो।

साग महिला क्रिकेटमा टेस्ट राष्ट्रका सिनियर टिमले खेल्नेछन् भने पुरुष तर्फ भने टेस्टराष्ट्रका २३ वर्ष मुनिको टिम खेल्नेछन्।

फोटोहरु –

( फोटो – सुमन राज कार्की )





थप समाचार

गणेशमान सिंह राष्ट्रिय टी-२० च्याम्पियनशिप : मधेश र कर्णाली विजयी

काठमाडौं । जारी वीर गणेशमान सिंह राष्ट्रिय टी-२० च्याम्पियनशिप अन्तर्गत बिहिवार सम्पन्न दुई खेलमा मधेश प्रदेश र कर्णाली प्रदेशले जित […]

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]