नेपालले आयोजक मलेसियालाई पराजित गर्दै एसीसी अन्डर-१९ पूर्वी क्षेत्र प्रतियोगिताको फाइनलमा स्थान बनाएको छ।
किनरारा ओभलमा सम्पन्न फाइनल खेलमा टस हारेर ब्याटिंग गरेको मलेसियाले ८७ रन मात्रै बनाएपछि ८८ रनको लक्ष्य नेपालले १५.५ ओभरमा ३ विकेट गुमाएर पुरा गर्यो। नेपालको जितमा ब्याटिंगतर्फ रोहित पौडेलले ३१ तथा भिम शार्कीले ३३ रन बनाए भने बलिंगमा सागर ढकालले ३ तथा कुशल मल्लले २ विकेट लिए।
नेपालले फाइनलमा मंगलबार दोश्रो सेमीफाइनल अन्तर्गत हंगकंग र सिंगापुरसंगको विजेतासंग खेल्नेछ।
सागर ढकाल प्लेयर अफ द म्याच, प्लेयर अफ द सिरिजको दाबेदार
खेलमा किफायती बलिंग गर्दै ३ विकेट लिएका सागर ढकाल प्लेयर अफ द म्याच चुनिएका छन्। यस अघि चिन बिरुद्ध पनि समुह चरणमा ६ विकेट लिंदै उनि प्लेयर अफ द म्याच चुनिएका थिए।
देब्रे हाते स्पिनर सागरले १० ओभर बलिंग गर्दै २ मेडन ओभर गरे भने मात्र १६ रन खर्चे। यस क्रममा उनले मलेसियाको माथिल्लो क्रमका वान अमिरुल, बिश्वरुबेनको तथा मध्यक्रमका मोहम्मद युसुफको विकेट लिए।
सागरले पहिलो खेलमा चिन बिरुद्ध ६ तथा दोश्रो खेलमा सिंगापुर बिरुद्ध १ विकेट लिएका थिए। आजको ३ विकेट संगै १० विकेटका साथ उनि प्रतियोगिताको धेरै विकेट लिने खेलाडी बनेका छन्। सिंगापुरका भिनित चित्तेश मेहताले पनि समान १० विकेट लिएका छन्।
सागरले ३ खेलमा मात्र १.९४ प्रतिओभर रन खर्चेका छन्। रन खर्चिने मामलामा अघि रहेका अर्का देब्रे हाते स्पिनर कुशल मल्लले मात्र १.५ प्रति ओभर रन दिएका छन्। टिकल राज भण्डारीले २.०३ प्रतिओभर रन दिएका छन्।
सागरको प्रदर्शन :- बिरुद्ध चिन – ६ विकेट ( ९.१-३-१९-६ ) , बिरुद्ध सिंगापुर – १ विकेट ( ७-०-१६-१ ) , बिरुद्ध मलेसिया – ३ विकेट ( १०-३-१६-३ )
चिनसंग र मलेसियासंग गरि ३ खेलमा २ वटा प्लेयर अफ द म्याच अवार्ड पनि जितेका सागर प्रतियोगिताकै उत्कृस्ट खेलाडीको दाबेदार समेत बनेका छन्। धेरै विकेट लिने सुचीमा मलेसियाका सचिनु हेट्टीगे ९ विकेट सहित तेश्रो, हंगकंगका रौनक कपुर र मलेसियका मुहम्मद आमिर ८ विकेट सहित चौथो स्थानमा रहेका छन्। कुशल मल्ल र तिलक राज भण्डारी ६/६ विकेट सहित सातौँ र आठौँ स्थानमा रहेका छन्।
सन् २०१७ मा नेपालले प्रतियोगिताको उपाधि जित्दा ५ खेलमा १६ विकेट लिंदै सन्दिप लामिछाने प्रतियोगिताकै उत्कृस्ट खेलाडी चुनिएका थिए। दोश्रो पटक नेपाली खेलाडी त्यसतर्फ अघि बढेका छन्।
ब्याटिंगतर्फ भने हंगकंगका अदित गोरारा ४ खेलमा १९६ रन सहित पहिलो र हंगकंगकै नसरुल्ला राना ४ खेलमा १८१ रन सहित धेरै रन बनाउने सुचीमा दोश्रो थानमा छन्। सिंगापुर बिरुद्ध शतक बनाएका रित गौतम ३ खेलमा १२८ रन सहित तेश्रो स्थानमा तथा ३ खेलमा १०९ रन बनाएका पवन सर्राफ चौथो स्थानमा रहेका छन्।
