हंगकंगलाई ६ विकेटले पराजित गर्दै नेपालले लगातार दोश्रो पटक एसीसी अन्डर-१९ इस्टर्न रिजन प्रतियोगिताको उपाधि जित्यो। उपाधि सहित नेपाल अगस्टमा श्रीलंकामा आयोजना हुने यु-१९ एसिया कपमा छनौट भएको छ। यस्तै २०२० नोभेम्बरमा युएईमा आयोजना हुने एसिया कपमा समेत नेपाल छनौट भयो।
प्रतियोगितामा अपराजित रहँदै उपाधि जित्ने क्रममा नेपालले समुह चरणमा चिनलाई १० विकेटले र सिंगापुरलाई २१७ रनले पराजित गर्दै सेमीफाइनल पुगेको थियो। सेमीफाइनलमा आयोजक मलेसियालाई ७ विकेटले पराजित गर्दै नेपाल फाइनल प्रवेश गरेको थियो।
सागर ढकाल प्रतियोगिताकै उत्कृस्ट , यस्तो रह्यो बलिंग प्रदर्शन
प्रतियोगितामा नेपालले ४ खेल खेल्दा ३ वटा खेलमा प्लेयर अफ द म्याच चुनिएका देब्रे हाते स्पिनर सागर प्रतियोगिताकै उत्कृस्ट खेलाडी चुनिए। सन् २०१७ मा नेपालले हंगकंगलाईनै पराजित गर्दै एसीसी यु-१९ इस्टर्नको उपाधि जित्दा सन्दिप लामिछाने उत्कृस्ट खेलाडी चुनिएका थिए। त्यसबेला सन्दिपले १६ विकेट लिएका थिए।
सागरले ४ खेलमा कुल १५ विकेट लिए जुन क्रममा चिनसंग ६ विकेट, सिंगापुरसंग १ विकेट, सेमीफाइनलमा मलेसियासंग ३ विकेट तथा फाइनलमा हंगकंगसंग ५ विकेट लिए।
५ खेलमा कुल ३६.१ ओभर बलिंग गरेका सागरले १.९१ प्रतिओभर मात्र रन खर्चिए। यस क्रममा उनले कुल ११ मेडन ओभर गरे भने १४.४७ को स्ट्राइक रेट र ४.६ को एभरेजले विकेट लिए।
बिरुद्ध चिन – ६ विकेट ( ९.१-३-१९-६ ) – चिनलाई ५३ रनले अलआउट गर्दा सागर एक्लैले ६ विकेट लिएका थिए। करियरकै उत्कृस्ट बलिंग गरेका सागरनै खेलको उत्कृस्ट खेलाडी चुनिएका थिए। चिनलाई ५३ रनमा समेटेको नेपालले ५ ओभरमा विकेट नगुमाई खेल जितेको थियो।
बिरुद्ध सिंगापुर – १ विकेट ( ७-०-१६-१ ) – सिंगापुरलाई २१७ रनले पराजित गर्दा नेपालले पहिले ब्याटिंग गर्दै ३२६ रन बनाएको थियो। लक्ष्य पछ्याउने क्रममा १०९ रनमा सिंगापुरलाई समेट्न सागरले १ विकेट मात्र लिए पनि ७ ओभरमा मात्र १६ रन खर्चिएका थिए।
बिरुद्ध मलेसिया – ३ विकेट ( १०-२-१६-३ ) – सेमफाइनलमा मलेसियालाई ७ विकेटले पराजित गर्दा पहिले ब्याटिंग गरेको मलेसियाले ८७ रन मात्रै बनाउन सकेको थियो। नेपालले ३ विकेट गुमाएर लक्ष्य पुरा गरेको थियो। मलेसियालाई सानो योगफलमा समेट्न उनले माथिल्लो क्रमका वान अमिरुल, बिश्वरुबेनको तथा मध्यक्रमका मोहम्मद युसुफको विकेट लिएका थिए।
बिरुद्ध हंगकंग – ५ विकेट ( १०-५-१८-५ ) – फाइनलमा पहिले ब्याटिंग गरेको हंगकंगलाई नेपालले ९५ रनमै समेट्दै नेपालले ४ विकेट गुमाएर लक्ष्य पुरा गरेको थियो। खेलमा प्लेयर अफ द म्याच चुनिएका सागरले हंगकंगको पहिलो ५ विकेट लिएका थिए। उनले ओपनिंग बलिंग गर्दै लगातार विकेट लिएका थिए।
