रोहन र रिजवानको विकेट पछि नेपाल खेलमा हावी

युएईमा जारि विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो दोश्रो खेलमा नेपालले आयोजक युएईसंग प्रतिस्पर्धा गरिरहेको छ।

दुबई अन्तर्राष्ट्रिय स्टेडियममा जारि खेलमा टस जितेर ब्याटिंग रोजेको युएईले ४०.३ ओभरमा ७ विकेट गुमाएर १३७ रन बनाएको छ। क्रिजमा कासिफ साउद ३ रन बनाएर अविजित छन्।

सुरुवाती ४ विकेट ३५ रनमा गुमाएपछि सिपि रिजवान र रोहन मुस्तफाले अर्धशतकीय साझेदारी गर्दै इनिंग्स उकासे। ७७ रनको उक्त साझेदारीलाई कप्तान सन्दिप लामिछानेले ३४ औं ओभरमा तोडे। ४० रन बनाएका रिजवानलाई सन्दिपले स्टम्प आउट गरे। ३९ औं ओभरमा  ४० रन बनाएका  रोहन मुस्तफालाई दिपेन्द्रले बोल्ड गरे। त्यसपछि सागर ढकालले बसिल हमिदको विकेट लिएका हुन्। सागरको यो पहिलो एकदिवसीय अन्तर्राष्ट्रिय विकेट हो।

सोमपाल कामिले युएईका माथिल्लो क्रमका तिन ब्याट्सम्यानको विकेट लिएका थिए। उनले चिराग सुरी ( ६ ) , भृत्य अरविन्द ( २ ) र मुहम्मद वासिम ( २१ ) को विकेट लिएका थिए। त्यसपछि करन केसीले आसिफ खान ( २ ) को विकेट लिएका थिए।

सन्दिपले ८ ओभरमा १ मेडन गर्दै १८ रन खर्चेर १ विकेट लिएका छन्। दिपेन्द्रले १० ओभरमा ४२ रन खर्चेर १ विकेट लिए। सोमपालले ८ ओभरमा ३२ रन खर्चेर ३ विकेट तथा करनले ६ ओभरमा १ मेडन ओभर गर्दै ५ रन खर्चेर १ विकेट लिएका छन्। सागरले २.३ ओभरमा १२ रन खर्चेर १ विकेट लिएका छन्।

लाइभ हेर्न क्लिक गर्नुस  

सिरिजमा आफ्नो पहिलो खेलमा नेपालले पपुवा न्यु गिनीलाई २ विकेटले पराजित गरेको थियो भने युएईले पपुवा न्यु गिनीलाई ७ विकेटले पराजित गरेको थियो।

नेपालले अन्तिम एघारमा एउटा मात्र परिवर्तन गरेको छ। विकेटकिपर ब्याट्सम्यान बिनोद भण्डारीको स्थानमा फास्ट बलर कमल सिंह ऐरीले अन्तिम एघारमा स्थान पाएका छन्। बिनोद पछिल्लो समय लयमा छैनन्। ऐरीसंगी टिममा सोमपाल कामि, करन केसी र आरिफ शेख गरि चार जना मिडियम पेसर छन्। खराब लयमा रहेका ज्ञानेन्द्र मल्ललाई भए निरन्तरता दिईएको छ।

नेपालको अन्तिम एघार : कुशल भुर्तेल, आसिफ शेख ( विकेटकिपर ) , ज्ञानेन्द्र मल्ल, दिपेन्द्र ऐरी, रोहित पौडेल, आरिफ शेख, कमल सिंह ऐरी, करन केसी, सोमपाल कामि, सन्दिप लामिछाने ( कप्तान ) , सागर ढकाल

युएईको अन्तिम एघार : चिराग सुरी, मुहम्मद वासिम, भृत्य अरविन्द ( विकेटकिपर ) , आसिफ खान, चुन्दनगापोयील रिजवान, बसिल हमिद, काशिफ दाउद, रोहन मुस्तफा, एहमद राजा ( कप्तान ) , जहुर खान, जुनैद सिद्दिकी





थप समाचार

नेपाललाई स्तब्ध बनाउँदै नेदरल्यान्ड्स च्याम्पियन

काठमाडौं । नेपाललाई हराउँदै नेदरल्यान्ड्सले त्रिदेशीय सिरिजको उपाधी जितेको छ । नेपाल, नामिबिया र नेदरल्यान्ड्स सहभागी सिरिजमा घरेलु टाेलीलाइ स्तब्ध […]

च्याम्पियन बन्न नेदरल्यान्ड्सलाई १ सय ८५ रनको लक्ष्य

काठमाडौं । राजधानीमा जारी त्रिदेशीय टी-ट्वान्टी आई सिरिजको च्याम्पियन बन्न नेपालले नेदरल्यान्ड्सलाई १ सय ८५ रनको लक्ष्य दिएको छ । […]

नेपालले टस जित्यो

काठमाडौं । नेपालले नेदरल्यान्ड्सविरुद्ध टस जितेको छ । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल […]

फाइनल खेलमा नेपालको सम्भावित प्लेईङ-११

काठमाडौं । मंगलबार नेपाल, नामिबिया र नेदरल्यान्ड्स सम्मिलित टी-ट्वान्टी आईको फाइनल खेलमा नेपाल र नेदरल्यान्ड्स खेल्दै छन् । नेपाल र […]

नेदरल्यान्ड्स र नेपाल फाइनलमा भिड्दै, यस्तो छ ईतिहास

काठमाडौं । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल खेलमा घरेलु टोली र नेदरल्यान्ड्सले मंगलबार […]

नेपालसँग खेल्ने आयरल्यान्ड वल्भ्सको टोली घोषणा, सिरिज मार्च २४ बाट

काठमाडौं । नेपाली सिनियर राष्ट्रिय टोली तथा नेपाल ए सँग खेल्ने आयरल्यान्ड वल्भ्सको टोली घोषणा भएको छ । आइतबार क्रिकेट […]