- विकेटनेपाल, पुष २५ – बुधवार
बंगलादेश प्रिमियर लिग अन्तर्गत दोश्रो खेलमा सन्दिप लामिछानेको टिम सिलहेट सिक्सर्सले चिट्टागोङ्ग भिकिङ्ग्सलाई रोमान्चक खेलमा ५ रनले पराजित गर्दै पहिलो जित दर्ता गरेको छ। यस अघि लिगको पहिलो खेलमा सन्दिपको टिम ४ विकेटले कोमिल्ला भिक्टोरीयन्ससंग पराजित भएको थियो।
खेलमा पहिले ब्याटिंग गर्दै सिलहेटले दिएको १६९ रनको लक्ष्य पछ्याउने क्रममा चिट्टागोङ्गले १६३ रन बनाएपछि ५ रनको हार बेहोर्न पुग्यो। सिलहेटको लागि निकोलस पुरनले ५२ रन ( ३२ बलमा ३ चौका र ३ छक्का ) , डेभिड वार्नरले ५९ रन ( ४७ बलमा २ चौका र १ छक्का ) प्रहार गरेका थिए। चिट्टागोङ्ग बलर रोबी फ्राईलिंकले ३ विकेट ( ४-०-२६-३ लिए।
लक्ष्य पछ्याउने क्रममा चिट्टागोङ्गको लागि रोबी फ्राईलिंकले अविजित ४४ रन ( २४ बलमा १ चौका र ४ छक्का ) बनाए। सिलहेट बलर तस्किन एहमदले ३४ विकेट ( ४-०-२८-४ ) र आलोक कपालीले २ विकेट ( २-०-६-२ ) लिए।
सन्दिपको सानदार रन आउट
इनिंगको आठौँ ओभरमा सन्दिपले सानदार फिल्डिंग गर्दै खतरनाक बनिरहेका ब्याट्सम्यान क्यामरन डेल्पोर्टलाई पेभेलियनको दिशा देखाए। २२ बलमा ४ चौका र ३ छक्का प्रहार गरिसकेका दक्षिण अफ्रिकी राष्ट्रिय क्रिकेटर डेल्पोर्टले १ रन लिन खोज्दा सन्दिपले पोइन्टबाट डाइरेक्ट थ्रो गर्दै रन आउट गरेका थिए। रन आउट गरेपछि कमेन्टेटरले सन्दिपको फिल्डिंगको तारिफ गरेका थिए।
सन्दिपको बलिङ्ग कस्तो रह्यो
सन्दिपको पहिलो ओभर- ४ रन ( २ ० १ ० ० १ )
खेलको सातौँ ओभरमा आफ्नो पहिलो ओभर लिएर आएका सन्दिपले ४ रन मात्रै खर्चिए। ओभरको पहिलो बलमा मोहम्मद अश्रफुलले २ रन र तेश्रो बलमा १ रन लिए भने अन्तिम बलमा डेल्पोर्टले १ रन लिए। ओभरमा सन्दिपले ३ वटा डट बल फाले।
सन्दिपको दोश्रो ओभर – ३ रन ( ० ० १ ० १ १ )
पहिलो ओभर गरेको ४ ओभर पछि दोश्रो ओभर बलिङ्ग गर्न आएका सन्दिपले ओभरमा मात्र ३ रन खर्चिए। दोश्रो बलमा सन्दिपले मोसद्दक हुसेनलाई एलबिडब्लु अपिल गरेका थिए जसलाई अम्पायरले नकारेपछि उनले रिभ्यु लिएका थिए। रिभ्यु लिए पनि बल लेग स्टम्प बाहिर गएकोले सन्दिपले विकेट लिन सकेनन्। ओभरमा सन्दिपले ३ वटा डट बल र ३ वटा १/१ रन दिए।
सन्दिपको तेश्रो ओभर – ५ रन ( १ १ १ ० १ १ )
१४ औं ओभरमा लगातार स्पेलमा आफ्नो तेश्रो ओभर बलिङ्ग गर्न आएका सन्दिपको ओभरमा पुनः ब्याट्सम्यानहरु खुलेर खेल्न सकेनन्। ओभरमा सन्दिपले ५ रन खर्चिए जुन ब्याट्सम्यानले ५ पटक १/१ रन लिएर बनाएका थिए।
सन्दिपको चौथो ओभर – ९ रन ( १ १ १ १ १ ४ )
लगातार स्पेलमा १औं ओभरमा चौथो ओभर लिएर आएका सन्दिपले पुनः राम्रो बलिङ्ग गरे। ओभरको पहिलो ५ बलमा मात्र ५ रन दिएका सन्दिपलाई ओभरको अन्तिम बलमा सिकन्दर राजाले अगाडी बढेर लंग अफमा चौका प्रहार गरेका थिए।
४ ओभरमा सन्दिपले २१ रन लिएर विकेट विहिन भए पनि चिट्टागोङ्ग ब्याट्सम्यानहरुलाई लक्ष्यसम्म पुग्न नदिन कसिलो बलिङ्ग गर्दै महत्वपूर्ण योगदान दिए। खेलमा सन्दिपलाई कुनै पनि ब्याट्सम्यानले आक्रामक सटहरु खेलेनन्। अघिल्लो खेलमा १ पनि चौका नदिएका सन्दिपले दोश्रो खेलमा १ मात्र चौका दिए।
अघिल्लो खेलमा सन्दिपले कोमिल्ला भिक्टोरियन्स बिरुद्ध गजबको बलिङ्ग गर्दै २ विकेट लिएका थिए। त्यस क्रममा उनले ४ ओभरमा १६ रन मात्र दिएका थिए। ठुलो विकेट लिने क्रममा सन्दिपले पाकिस्तानी चर्चित क्रिकेटर सोयब मलिक र अनमुल हकको विकेट लिएका थिए।
