ग्लोबल टि-२० : टोरोन्टो विरुद्ध सन्दिपको शानदार बलिंग प्रदर्शन

Sandeep lamichhane

ग्लोबल टि-२० क्यानडा लिग अन्तर्गत आफ्नो तेश्रो खेलमा नेपाली लेग स्पिनर सन्दिप लामिछानेले शानदार बलिंग प्रदर्शन गरेका छन्।

सरे ज्यागुअर्सको प्रतिनिधित्व गरिरहेका सन्दिपले टोरोन्टो नेसनल्स विरुद्ध टिमको जितमा २२ रन खर्चेर २ विकेट लिएका हुन्।

लिग अन्तर्गत सन्दिपले पहिलो खेलमा मोन्टरियल टाइगर्स विरुद्ध २ विकेट लिएका थिए भने दोश्रो खेल वर्षाले प्रभावित हुँदा २ बल मात्र बलिंग गर्न पाएका थिए।

दोश्रो इनिंग्सको सातौँ ओभरमा पहिलो ओभर बलिंग गरेका सन्दिपले ओभरमा मात्र ३ रन खर्चिए।

स्पेल निरन्तरता दिने क्रममा नवौं ओभर बलिंग गरेका उनले दोश्रो ओभरमा भने १२ रन खर्चिए। ओभरको पहिलो २ बल डट गरेका उनले दोश्रो र तेश्रो बलमा १/१ रन दिए भने ओभरको अन्तिम २ बलमा कोलिन मुनरोले छक्का र चौका प्रहार गरे।

एघारौं ओभर बलिंग गर्ने क्रममा सन्दिपले ओभरको दोश्रो बलमा १५ रन बनाएका अरमान कपुरलाई क्याच आउट पार्दै कोलिन मुनरोसंगको ४४ रनको साझेदारी पनि तोडे। ओभरको चौंथो बलमा उनले आक्रामक ब्याटिंग गरिरहेका कोलिन मुनरोको महत्वपूर्ण विकेट लिंदै सरेलाई खेलमा हावी गराए। २८ बलमा ४४ रन बनाएका मुनरोलाई सन्दिपले बोल्ड गरे।

स्पेलको अन्तिम ओभर बलिंग गर्न सोह्रौं ओभरमा आएका सन्दिपले कसिलो बलिंग गर्दै मात्र ४ रन दिए।

४ ओभरमा सन्दिपले २२ रन खर्चेर २ विकेट लिंदै स्पेलको अन्त्य गरे।

खेलमा सरेले दिएको १४२ रनको लक्ष्य पछ्याएको टोरोन्टोले निर्धारित १८ ओभरमा ९ विकेट गुमाएर १२१ रन मात्र बनायो। उसको लागि कोलिन मुनरोले सर्वाधिक ४३, शाहिद अफ्रिदी र जेजे समितले समान २३ रन योगदान दिए। सरेको बलिंगमा म्याथु फोर्डले ४ विकेट, सन्दिप लामिछानेएल २ विकेट तथा स्पेन्सर जोन्सन, अमर खालिद र बर्नार्ड स्कल्जले १/१ विकेट लिए।

यस अघि टस हारेर ब्याटिंग गरेको सरे ज्यागुअरले निर्धारित १८ ओभरमा ६ विकेट क्षेतीमा १४१ रन बनाएको थियो। ज्यागुआर कप्तान इफ्तिखार एहमदले सर्वाधिक ४७ रन योगदान दिए भने लिटन दास र जतिन्दर सिंहले समान २१ रन बनाए। टोरोन्टोका साद बिन जाफरले २ विकेट लिए।

लिगमा सरेले आगामी खेल शुक्रबार राति १:१५ बजे खेल्नेछ।

दोश्रो पटक सन्दिपले जिते ‘मोमेन्ट अफ द म्याच’ पाए ५ सय डलर 

खेलमा सन्दिपले मोमेन्ट अफ द म्याच अवार्ड पाए जसबापत उनले ५ सय डलर पुरस्कार रकम प्राप्त गरे। पहिलो खेलमा पनि सन्दीपले मोन्टरियल टाइगर्स विरुद्ध उक्त अवार्ड जितेका थिए।





थप समाचार

यस्ता छन् नेपालसँग खेल्ने वेस्ट इन्डिज ए को टोलीमा रहेका खेलाडीहरु

काठमाडौं । नेपालको सिनियर क्रिकेट टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको […]

नेपाल आउने वेस्ट इन्डिज ए टोलीको घोषणा

काठमाडौं । नेपालको सिनियर टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको छ […]

जैसवालको शतकमा राजस्थानको जित, मुम्बईलाई हराउँदै राजस्थान प्लेअफ नजिक

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा ओपनर यसश्वी जैसवालको शतकको सहयोगमा मुम्बई इन्डियन्सलाई पराजित गरि […]

राजस्थानले मुम्बईबाट पायो १८० रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा मुम्बई इन्डियन्सले राजस्थान रोयल्सलाई १ सय ८० रनको लक्ष्य […]

मलेसियन लिगमा सहभागी हुने नेपाली क्रिकेटरको विदाई

काठमाडौं । मलेसियामा आयोजना हुने मलेसियन सुपर कप २०२४ मा सहभागीता जनाउने ६ नेपाली क्रिकेटरको विदाई भएको छ । नेपाल […]

अभानी प्रिमियर लिग : वारियर्स र सगरमाथा विजयी

काठमाडौं । अभानी प्रिमियर लिगमा वारियर्स क्रिकेट क्लब र सगरमाथा क्रिकेट क्लब विजयी भएका छन् । सिड्नीमा जारी लिगमा वारियर्सले […]