५२ बलसम्म सन्दिपको बलिंगमा बाउन्ड्री प्रहार भएन, सिपिएलले ट्वीट गर्दै गर्यो तारिफ

टि-२० क्रिकेट ब्याट्सम्यानहरुको खेल मानिने गरिन्छ। छोटो फर्म्याटको खेलमा ब्याट्सम्यानहरु आक्रामक ब्याटिंग गर्दै चौका र छक्काको वर्षा गर्ने गर्छन्। तर ट्रिनिडाड एन्ड टोबागोमा जारि करेबियन प्रिमियर लिग टि-२० ( सिपिएल ) मा नेपाली स्पिनर सन्दिप लामिछानेले त्यो मान्यतालाई गलत सावित गरिदिएका छन्। सन्दिपले जारि लिगको पछिल्लो २ खेलमा कुनै पनि चौका/छक्का प्रहार हुन नदिई बलिंग गरेका छन्।

नेपाली स्पिनरले लगातार ५२ बलमा चौका या छक्का नखाई बलिंग गरेका छन्। गायना बिरुद्ध लगातार २ खेलमा तथा त्यसअघि ट्रिनबागो नाइट राइडर्ससंगको खेलको अन्तिम ४ बलमा गरि उनको बाउन्ड्रीविहिन बलको संख्या ५२ पुगेको हो।

अन्तिम पटक सन्दिपलाई कोलिन मुनरोले चौका प्रहार गरेका थिए। ट्रिनबागो बिरुद्धको खेलमा मुनरोले सन्दिपको स्पेलको चौथो ओभरको दोश्रो बलमा उक्त चौका प्रहार गरेका थिए।

सन्दिपले गत खेलमा गायना बिरुद्ध ८ रन खर्चेर २ विकेट लिंदै नयाँ व्यक्तिगत किर्तिमान बनाएका थिए

सिपिएल टि-२० अन्तर्गत पहिलो खेलमा सेन्ट लुसिया जुक्स बिरुद्ध २३ रन खर्चेर १ विकेट लिएका सन्दिपको बलमा १ चौका र १ छक्का प्रहार भएको थियो। त्यसपछि दोश्रो खेलमा ट्रिनबागो बिरुद्ध ३० रन खर्चेर १ विकेट लिएका सन्दिपले मात्र २ चौका दिएका थिए। त्यसपछि गायना बिरुद्ध तेश्रो खेलमा ८ रन खर्चेर २ विकेट तथा चौथो खेलमा गायना बिरुद्धनै १२ रन खर्चेर १ विकेट लिएका सन्दिपले दुवै खेलमा चौका/छक्का दिएनन्।

अब सन्दिपको टिम जमैकाले आगामी खेल बिहिबार बिहान बार्बेडोस बिरुद्ध खेल्नेछ जसमा कति बलसम्म सन्दिपले बाउन्ड्री दिने छैनन् त्यो हेर्न रोचक हुनेछ।

सन्दिपले ४ वटा खेलमा गरेको ओभर :

पहिलो खेल, बिरुद्ध सेन्ट लुसिया ( ४-०-२३-१ ) : १, ० , ० , १ , ६ , ०, २, ० , ० , ०, १, ०, १ , ४ , ० , ० , २ , १, १, विकेट , १ , ० , ० , वाइड, १

दोश्रो खेल, बिरुद्ध ट्रिनबागो ( ४-०-३०-१ ) : ० , १ लेगबाई, १ , १ लेगबाई , १ , ०, २ , १ , ६ , १ , विकेट , १ , ० , ४ , १ , ० , १ , १, १ , ४ , २ , ० , १ , २

तेश्रो खेल, बिरुद्ध गायना ( ४-०-८-२ ) : १ , ० , १ , ० , ० , ० , १ , विकेट , ० , ० , ० , ०, ० , ० , १ , २ , ० , ०, ० , ० , १ , विकेट , ० , वाइड , ०

चौथो खेल, बिरुद्ध गायना ( ४-०-१२-१ ) : ० , २ , १ , ० , ० , ० , विकेट, वाइड, ० , ० , ० , १ , २ , ० , ० , १ , ० , ० , ० , १ , २ , ० , ० , १

लिगकै तेश्रो किफायती बलर

लिग अन्तर्गत ४ खेलमा १६ ओभर बलिंग गरेका सन्दिपले ५ विकेट लिने क्रममा प्रतिओभर मात्र ४.५६ को औशतले रन खर्चेका छन्। उनि जारि लिगमै १० ओभर भन्दा बढी ओभर गर्ने बलरहरुमा तेश्रो सबैभन्दा किफायती बलर हुन्। गायनाका देब्रे हाते स्पिनर अशमेड नेड सबैभन्दा किफायती बलर हुन् जसले १२ ओभर बलिंग गर्दा ४७ रन खर्चेर ३ विकेट लिएका छन् र मात्र ३.९१ प्रतिओभर रन खर्चिएका छन्। दोश्रो किफायती जमैकाकै बलर मुजिब उर् रहमान रहेका छन्। रहमानले १६ ओभरमा ६७ रन खर्चेर ९ विकेट लिएका छन् र ४.१८ प्रति ओभर रन खर्चेका छन्। चौथो किफायती बलर ट्रिनबागो नाइट राइडर्सका स्पिनर सुनिल नारायणले ४.५८ प्रति ओभर रन खर्चेका छन्।

सबैभन्दा किफायती ५ बलर ( १० ओभर भन्दा बढी बलिंग गर्ने )

अशमेड नेड ( गायना ) : ३.९१ प्रतिओभर ( १२-१-४७-३ )

मुजिब उर् रहमान ( जमैका ) : ४.१८ ( १६-१-६७-९)

सन्दिप लामिछाने ( जमैका ) : ४.५६ ( १६-०-७३-५ )

सुनिल नारायण ( ट्रिनबागो ) : ४.५८ ( १२-०-५५-४ )

मोहम्मद नाबी ( सेन्ट लुसिया ) ४.७१ ( १४-०-६६-३ )

ट्वीटरमा सन्दिपको सिपिएल टि-२० बाट तारिफ

५२ बलमा बाउन्ड्रीविहिन रहे पछि सामाजिक संजाल ट्वीटरमा सन्दिपको तारिफ भएको छ। सिपिएल टि-२० ले आफ्नो अधिकारिक ट्वीटरमा सन्दिपलाई असाधारण बलर आसय दिने ट्वीट गर्दै काठमाडौँको बलर भनेर लेखेको छ। सन्दिपको तारिफ गर्दै अन्य ट्वीटहरु पनि गरिएको छ –

OUTrageous from Kathmandu’s finest. What a bowler Sandeep Lamichhane is.#CPL20 #CricketPlayedLouder https://t.co/g3IwlDc6Vc

— CPL T20 (@CPL) August 25, 2020

Up to 52 now. Guyana Amazon Warriors didn’t score a single boundary against him in either meeting this season.

— The CricViz Analyst (@cricvizanalyst) August 25, 2020

Sandeep Lamichhane has now bowled 52 balls in T20 games in a row without conceding a boundary.

Previous game: 4 overs, 18 dots, Runs 8, Wickets 2
Today: 4 overs, 16 dots, Runs 12, Wicket 1#ThePrideOfNepal is a class a part.@Sandeep25 @DelhiCapitals @JAMTallawahs #2Five https://t.co/kWcxs99NJg

— Saya Corporation (@SayaCorps) August 25, 2020

Sandeep Lamichhane has now bowled 52 balls in T20 games in a row without conceding a boundary.

Today’s his performance:

4-0-12-1 including 16 dots balls #CPL20

— Ramy’s (@SteinBergRD) August 25, 2020

Mujeeb & Sandeep this season: 14-140 off 32 overs (4.37 ER)

All other Tallawahs bowlers: 12-363 off 45.2 overs (8.00 ER)#JTvGAW

— The CricViz Analyst (@cricvizanalyst) August 25, 2020