बंगलादेश क्रिकेट बोर्डले आफ्नो प्रथम राष्ट्रपति तथा बंगलादेश देशको संस्थापक नेता स्वर्गीय शेख मुजिबुर रहमानको सयौं जन्मदिनको अवसरमा आयोजना गर्न लागेको एसिया-११ र विश्व-११ बीचको दुइ वटा टि-२० अन्तर्राष्ट्रिय खेलमा नेपाली लेग स्पिनर सन्दिप लामिछाने समेत खेल्ने निश्चित भएको छ।
मंगलबार बंगलादेश क्रिकेट बोर्डले विश्व-११ बिरुद्ध खेल्ने एसिया-११ टिमको घोषणा गरेको छ जसमा सन्दिप समेत नेपालको तथा एसियाली एसोसीएट रास्ट्रको प्रतिनीधिको रुपमा रहेका छन्।
सन्दिपले यस अघि सन् २०१८ मेमा वेस्ट इन्डिज बिरुद्ध आईसीसी विश्व ११ टिमको प्रतिनिधित्व गर्दै टि-२० अन्तर्राष्ट्रिय खेलेका थिए।
सन्दिप एसिया-११ टिममा टिममा परेता पनि यो दौरान नेपालमा एभरेस्ट प्रिमियर लिग ( इपिएल ) आयोजना हुने हुँदा सन्दिपले बंगलादेशमा खेल्ने या नखेल्ने भने अनिश्चित रहेको छ। सन्दिपको नेपाल व्यवस्थापक रमन शिवाकोटीका अनुसार एसिया-११ को लागि खेल्ने केहि अघिनै निश्चित भएकोले इपिएलकै बीचमा सन्दिप बंगलादेश जाने सम्भावना उच्च रहेको छ। त्यसको लागि सन्दिपको तालिका व्यवस्थापन गरिने शिवाकोटीले विकेटनेपाललाई बताएका छन्। इपिएलमा सन्दिप काठमाडौँ किंग्स-११ को लागि खेल्नेछन् र टिमको कप्तानी समेत गर्ने बताईएको छ।
आगामी महिना मार्च २१ र २२ तारिखका दिन दुइ वटा टि-२० अन्तर्राष्ट्रिय खेलिनेछन् जुन शेर ए बंगला स्टेडियममा खेलिने बताईएको छ।
एसिया-११ टिममा भारतीय टिमका कप्तान बिराट कोहली सहित ६ जना भारतीय खेलाडी रहेका छन् भने ४ बंगलादेशी, २/२ अफगानिस्तान र श्रीलंकाका खेलाडीरहेका छन्। कोहली र केएल राहुलले १/१ खेल मात्र खेल्ने बताईएको छ। यस्तै विश्व-११ टिमको कप्तानी दक्षिण अफ्रिकी फाफ डु प्लेसिसले गर्नेछन्।
दुइ वटा टि-२० मा पाकिस्तानी खेलाडीहरु भने खेल्ने छैनन्। पाकिस्तान सुपर लिग सो मितिमा नसकिने हुँदा पाकिस्तानी खेलाडीलाई समावेस नगरिएको बंगलादेश बोर्डले बताएको छ।
यस्तो छ एसिया-११ र विश्व-११ टिम
Asia XI: Virat Kohli (for one game only, subject to confirmation), KL Rahul (for one game only), Shikhar Dhawan, Rishabh Pant, Mohammed Shami, Kuldeep Yadav, Tamim Iqbal, Liton Das, Musfiqur Rahim, Mustafizur Rahman, Rashid Khan, Mujeeb ur Rahman, Sandeep Lamichhane, Thisara Perera, Lasith Malinga
World XI: Faf du Plessis (c), Alex Hales, Chris Gayle, Nicholas Pooran, Ross Taylor, Jonny Bairstow, Adil Rashid, Mitchell McClenaghan, Andrew Tye, Sheldon Cottrell, Lungi Ngidi, Kieron Pollard, Brendan Taylor
