- विकेटनेपाल, पुष-२२ – आइतबार
बंगलादेश प्रिमियर लिगको पहिलो खेलमा सन्दिप लामिछानेले डेब्यु गर्ने पक्का भएको छ।
सिलहेट सिक्सर्सले लिगको पहिलो खेलमा स्टिभको कप्तानीको टिम कोमिल्ला भिक्टोरिएन्सको सामना गर्दैछ। नेपाली समय १२:१५ बजे सुरु भएको खेलमा कोमील्ला भिक्टोरिएन्सले टस जितेर पहिले फिल्डिंग गर्ने निर्णय गरेको छ।
खेल सुरु हुनु अघि सन्दिप अन्तिम-११ मा पर्लान् या नपर्लान भन्ने जिज्ञाशा थियो। बिग ब्यास लिगबाट उत्कृस्ट प्रदर्शन गर्दै बंगलादेश आएका सन्दिपले अन्ततः अर्को ठुलो लिगमा डेब्यु गर्ने भएका छन्।
सिल्हेट सिक्सर्सले आफ्नो अन्तिम-११ मा सन्दिप लामिछाने सहित, निकोलस पुरन, मोहम्मद इरफानलाई समाबेश गरेको छ।
अन्तिम-११ मा चर्चित दक्षिण अफ्रीकी लेग स्पिनर इमरान ताहिरलाई बाहिर राख्दै टिमले सन्दिपलाई मौका दिएको हो। यस्तै सिलहेटले सोहेल तन्बिर, आन्द्रे फ्लेचार जस्ता खेलाडीलाई पनि अन्तिम-११ मा स्थान दिएन।
सिलहेट सिक्सर्स अन्तिम-११ – डेभिड वार्नर ( कप्तान ) , लिटन दास , निकोलस पुरन, आलोक कपाली, सब्बिर रहमान, अफिफ हुसेन, अल अमिन हुसेन, तोहिड रिदोय, सन्दिप लामिछाने, मोहम्मद इरफान, तस्किन एहमद
कोमिल्ला अन्तिम-११ – इभिन लुइस, तामिम इकबाल, अनामुल हक, स्टिभ स्मिथ ( कप्तान ) , इम्रुल कायस, मेहदी हसन, सोएब मलिक, शहिद अफ्रिदी, मोहम्मद सैफुद्दीन, अबु हैदर, मोहम्मद शहिद
खेल समय र लाईभ कहाँ हेर्ने ?
प्रतियोगिताको प्रत्यक्ष प्रशारण डी स्पोर्ट्सले भारतमा तथा बंगलादेशमा गाजी टिभीले गर्नेछ युट्युबमा Rabbitholebd Sports ले यसको प्रशारण गरिरहेको छ। प्रतियोगितामा सन्दिपको टिमको पहिलो खेल जनवरी ६ तारिक नेपाली समय १२:१५ बजे दिउसो सुरु हुनेछ।
सिलहेट सिक्सर्सको खेल तालिका : जनवरी ६ – कोमिल्ला भिक्टोरिएन्स ,जनवरी ९ – चिट्टागोंग भिकिङ्गस , जनवरी १२ – ढाका डाइनामाइट्स , जनवरी १५ – कोमिल्ला भिक्टोरिएन्स , जनवरी १६ – रंगपुर राइडर्स, जनवरी १८ – ढाका डाइनामाइट्स , जनवरी १९ – रंगपुर राइडर्स , जनवरी २३ – खुल्ना टाईटन्स, जनवरी २५ – राजशाही किंग्स , जनवरी २६ – खुल्ना टाईटन्स , जनवरी ३० – राजशाही किंग्स , फेव्रुअरि १ – चिट्टागोंग भिकिङ्गस
बंगलादेश क्रिकेट बोर्डको आयोजनामा सुरु भएको प्रतियोगितामा खुल्ना टाईटन्स, रंगपुर राईडर्स, राजशाही किंग्स, ढाका डाईनामाइट्स, सिलहेट सिक्सर्स, कोमिल्ला भिक्टोरियन्स र चिट्टागोंग भिकिङ्ग्स गरी ७ वटा टिम सहभागी छन्। लिग फेब्रुअरी ८ तारिकसम्म चल्नेछ।
