चन्दनकुमार यादब, राजबिराज २९
राैतहटमा जारी प्रदेश-२ स्तरिय वाईवाई यु-१९ एकदिवसिय क्रिकेट छनाेट प्रतियाेगितामा धनुषालाई २६ रनले पराजित गर्दै सप्तरीले दोश्रो जित हाँसिल गरेको छ।
राैतहटकाे राईस मिल खेलमैदानमा टस जितेर सप्तरीले ३७ ओभरमा १० विकेट गुमाई १ सय २५ रनकाे याेगफल खडा गरेको थियो। सप्तरीको लागि पप्पु यादबले २८ रन, अजय यादबले १८ तथा बिवेक यादबले १२ रन जाेडेका थिए । बलिँग तर्फ धनुषाका रूपेश यादबले ३ तथा श्यामन राय २ तथा राेहन यादबले समान १/१ विकेट हात पारे।
प्रतिउतरमा धनुषाले ३० ओभरमा ९९ रन मै सिमित भएपछि सप्तरीले २६ रनको जित हात पारेकाे हाे। धनुषाका मनाेज यादब १३, रूपेश यादब १२ र श्यामन यादब १० रन जाेडे पनि जितका लागि पर्याप्त भएन।
सप्तरीलाई जिताउन प्लेयर अफ द म्याच समेत चुनिएका बिवेक यादबले घातक बलिँग गर्दै ६ ओभरमा २८ रन खर्चे ६ विकेट हात पारे। यसैगरी सप्तरीका बलर नितेश यादब र अजय यादबले पनि समान २/२ विकेट हात पारे।
प्रतियोगितामा पर्सा, बारा, धनुषा, सप्तरी, रौताहर, सर्लाही, महोत्तरी र सिराहा गरि ८ जिल्लाका टोलि सहभागी छन्।
