पाँचपोखरी : सार्थकको अलराउण्ड प्रदर्शनमा पाँचपोखरी क्रिकेट क्लब विजयी

पाँचपोखरी थाङ्पाल गाउँपालिका खेलकुद विकास समितिको आयोजना तथा पाँचपोखरी क्रिकेट क्लबको ब्यबस्थापनमा फागुन २७ गते शनिबारबाट सुरु भएको पाचौँ संस्करणको पाँचपोखरी टी–२० जिल्लास्तरीय क्रिकेट प्रतियोगिताको दोश्रो दिन ह्योल्मो ११ र पाँचपोखरी क्रिकेट क्लवले जित हासिल गरेका छन् ।

काठमाण्डौको मूलपानी अन्र्तराष्ट्रिय क्रिकेट रङ्गशालामा संचालित प्रतियोगिताको दोश्रो दिनको पहिलो खेलमा टस जितेर बलिङ गरेको हेल्मो ११ ले क्रिकेट क्लब बाह्बिसे लाई ८ विकेटले पराजित गरेको हो । निर्धारीत २० ओभरमा बाह्विसेले दिएको ७२ रनको विजयी लक्ष्य उसले २ विकेटको क्षतिमा पुरा गर्यो। खेलको म्यान अफ दि म्याच हेल्मो ११ का फुर्वा शेर्पा घोषित भए उनले ४ ओभर बलिङ गर्दै २१ रन खर्चिएर ५ विकेट लिएका थिए ।

यस्तै आजनै भएको दोश्रो खेलमा चौतारा सांगाचोकगढीलाई ५० रनले पराजित गर्दै पाँचपोखरी क्रिकेट क्लब विजयी भएको छ ।

टस जितेर ब्याटिङ गरेको उसले निर्धारीत ९ विकेटको क्षतिमा १४२ रनको चुनौतिपुर्ण लक्ष्य खडा गरेको थियो । १४३ रनको विजयी लक्ष्य पछ्याउदै जवाफी ब्याटिङ गरेको चौतारा साँगाचोकगढी ९२ रनमा समेटिएको थियो । खेलको म्यान अफ दी म्याच पाँचपोखरी क्रिकेट क्लबका क्यापटेन सार्थक धिताल घोषित भए उनले १४ बलमा दुई छक्का र चार चौकाको मद्धतमा ३० रन बनाउनुका साथै दुई महत्वपुर्ण विकेट लिएका थिए ।

चैत ३ गते सम्म संचालन हुने प्रतियोगितामा सिन्धुपाल्चोक जिल्लाका सात वटा टोलीको सहभागिता रहेकोछ ।

प्रतियोगिताको विजेताले रू ८० हजार र उपविजेताले रू ५० हजार प्राप्त गर्नेछ । प्रतियोगिताभरकै सर्वोत्कृष्ट खेलाडी, उत्कृष्ट ब्याटर, उत्कृष्ट बलर र उत्कृष्ट अलराउण्डरलाई ट्रफी तथा प्रमाणपत्र प्रदान गरिने आयोजकले जनाएको छ । साथै ग्रेट हिमालयन क्रिकेट एकेडेमी (जीएचसीए) ले यस प्रतियोगितामा सफलता हासिल गर्ने सर्वोत्कृष्ट खेलाडीलाई एकवर्ष र उत्कृष्ट बलर एवं उत्कृष्ट ब्याटरलाई ६ महिना निःशुल्क क्रिकेट प्रशिक्षण प्रदान गर्ने जनाएको छ ।





थप समाचार

पाँचपोखरी टी-ट्वान्टी : इन्द्रावतीको पहिलो जित, भोटेचौरको लगातार दोश्रो जित

काठमाडौं । पाँचपोखरी थाङ्गपाल गाउँपालिका खेलकुद विकास समितिको आयोजना तथा सिन्धुपाल्चोक जिल्ला क्रिकेट संघ र पांचपोखरी क्रिकेट क्लब को प्राबिधिक […]

डिसिएल : दिपेश चम्किंदा टाइगर्स विजयी, तुलसीपुरको जितमा अमर उत्कृष्ट

काठमाडौं । दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत मंगलबार सम्पन्न खेलमा तुलसीपुर रोयल्स र घोराही टाइगर्स विजयी […]

निकोलको अलराउन्ड प्रदर्शनमा नामिबियाद्वारा नेपाल पराजित

काठमाडौं । जेन निकोलको कीर्तिमानी शतक तथा उत्कृष्ट बलिङको सहयोगमा नामिबियाले नेपाललाई पराजित गरेको छ । टियु क्रिकेट मैदान कीर्तिपुरमा […]

निकोलको कीर्तिमानी शतकमा नेपाललाई २ सय ७ रनको लक्ष्य

काठमाडौं । जेन निकोलको कीर्तिमानी शतकको सहयोगमा नामिबियाले नेपाललाई जितका लागि २ सय ७ रनको लक्ष्य दिएको छ । टियु […]

नेपालले टस हार्यो, ललित बेन्चमा

काठमाडौं । नेपालले नामिबियाविरुद्धको खेलमा टस हारेको छ । टियु क्रिकेट मैदानमा नामिबिया कप्तान जेजे स्मिथले टस जितेर ब्याटिङ रोजेपछि […]

त्रिदेशिय टी-ट्वान्टी सिरिज आजबाट, नामिबिया र नेपाल भिड्दै

काठमाडौं । आज(मंगलबार) बाट नेपाल, नेदरल्यान्ड्स र नामिबिया सम्मिलित त्रिदेशीय टी-ट्वान्टी सिरिज सुरु हुदैछ । सिरिजको पहिलो खेलमा नामिबिया र […]