शारदा विद्या निकेतन गोदावरी,८ स्याउले बजारको आयोजनामा शारदा क्रीकेट लिग (अन्तर विद्यालय क्रीकेट प्रतियोगिता २०८१) हुने भएको छ।
प्रतियोगिताको दर्ता खुला गरिएको आयोजकले जनाएको छ। प्रतियोगितामा कैलाली र कंचनपुर जिल्लाका विद्यालयहरुमा कक्षा १० सम्ममा अध्ययनरत क्रीकेट खेलाडीहरु सहभागी हुन पाउनेछन। प्रतियोगितामा कुल १२ विद्यालय टिमहरुले सहभागीता जनाउन पाउनेछन।
प्रतियोगिता २०८१ मंसिर ७ गतेदेखि १४ गतेसम्म गोदावरी८, स्याउले बजार कैलालीमा संचालन हुने छ। प्रतियोगितामा बिजेताले नगद ४००००/- (अक्षेरेपी चालीस हजार मात्र), उपबिजेताले नगद रु २००००/- (अक्षेरेपी बीस हजार मात्र) प्रतियोगिताको सर्बोत्कृष्ट खेलाडीले नगद ४०००/- (अक्षेरेपी चार हजार मात्र) बेस्ट बलर र ब्याटर र उदियमान खेलाडीले नगद जनही २०००/- (अक्षेरेपी दुईहजार मात्र) प्राप्त गर्नेछन भने, मेडल ट्रफी र प्रमाणपत्र समेत पाउनेछन।
प्रतियोगिताको प्लेयर अफ द म्याचले नगद ५००/- एवम ट्रफी मेडल र प्रमाणपत्र प्राप्त गर्नेछन। प्रतियोगितामा सहभागी हुन चाहने टिमहरुले यहि साउन मसान्तसम्म टिम दर्ता गरिसक्नुपर्ने बताईएकोछ।
प्रतियोगिताको टिम दर्ता शुल्क ८०००/- अक्षेरेपी आठ हजार कायम गरिएको छ।
