अस्ट्रेलियाले स्कटल्यान्डलाई हराउँदा इंग्ल्यान्ड सुपर एटमा

काठमाडौं । स्कटल्यान्ड अमेरिका तथा वेस्ट इन्डिजमा जारी नवौं संस्करणको टी-२० विश्वकपमा अस्ट्रेलियासँग पराजित हुँदा इंग्ल्यान्डले सुपर एटमा स्थान बनाएको छ ।

वेस्ट इन्डिजको सेन्ट लुसियामा भएको खेलमा अस्ट्रेलियाले ५ विकेटको जित निकाल्यो । अस्ट्रेलियाको जितका साथै समान पाँच अंकमा रहेको स्कटल्यान्डलाई रनरेटमा पछि पार्दै इंग्ल्यान्ड सुपर एटमा स्थान बनाउँन सफल रह्यो ।

स्कटल्यान्डले दिएको १ सय ८१ रनको लक्ष्य अस्ट्रेलियाले १९ दशमलब ३ ओभरमा ५ विकेट गुमाएर पूरा गर्यो ।

अस्ट्रेलियाको जितमा ओपनर ट्राभिस हेड र मार्कस स्टोईनेसले अर्धशतकी ईनिङ खेले । हेडले ४९ बलमा ५ चौका र ४ छक्काको सहयोगमा ६८ रन बनाए । स्टोईनेसले २९ बलमा ९ चौका र २ छक्काको सहयोगमा ५९ रन बनाए । हेड र स्टोईनेसले चौथो विकेटका लागि ४४ बलमा ८० रनको महत्वपूर्ण साझेदारी गरे ।

टिम डेबिडले अविजित २४ तथा ग्लेन म्याक्सवेलले ११ रन बनाए ।

स्कटल्यान्डका लागि सफियान सरिफ र मार्क वाटले समान दुई दुई तथा ब्राड होलले एक विकेट लिए ।

त्यसअघि टस हारेर पहिले ब्याटिङ गरेको स्कटल्यान्डले निर्धारित २० ओभरमा ५ विकेट गुमाएर १ सय ८० रन बनाएको थियो ।

स्कटल्यान्डका लागि ब्रेन्डन म्याकमुलनले ३४ बलमा २ चौका र ६ छक्काको सहयोगमा ६० रनको अर्धशतकीय ईनिङ खेले । ओपनर जर्ज मुन्सेले २३ बलमा २ चौका र ३ छक्काको सहयोगमा ३५ रन बनाए । तेस्रो विकेटका लागि मुन्से र म्याकमुलनले ४८ बलमा ८९ रनको महत्वपूर्ण साझेदारी गरे ।

कप्तान रिचि बेरिङ्गटनले ३० बलमा ४१ तथा म्याथ्यु क्रसले ११ बलमा १८ रन बनाए ।

अस्ट्रेलियाका लागि ग्लेन म्याक्सवेलले दुई तथा अस्टन अगर, नाथन एलिस र एडम जाम्पाले समान एक एक विकेट लिए ।

अस्ट्रेलियाले खेल जितेसँगै इंग्ल्यान्डले सुपर एटमा स्थान बनाएको छ । पराजित स्कटल्यान्ड भने समूह चरणबाट नै घर फर्किएको छ ।





थप समाचार

रौतहट प्रिमियर लिगमा १६ टोलीको सहभागीता रहने

काठमाडौं । रौतहट प्रिमियर लिग (आरपिएल) २०२४ मा १६ क्लबको सहभागीता हुने भएको छ । बुबा ममी इभेन्ट्स तथा स्पोर्टस […]

क्रिकेट प्रशिक्षक प्रशिक्षण कार्यक्रम सम्पन्न

काठमाडौं । सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रीकेट एकेडेमीको समन्वयमा सिन्धुपाल्चोकमा रहेका सामुदायिक तथा सस्थागत बिधालयका खेल […]

एन्डरसनको बिदाई खेलमा इंग्ल्यान्डको जित

काठमाडौं । तीव्र गतिका बलर जेम्स एन्डरसनको बिदाइ खेलमा वेस्ट इन्डिजविरुद्धको पहिलो टेस्ट इंग्ल्यान्डले एक इनिङ १ सय १४ रनको […]

पूर्व मुख्य प्रशिक्षक टमाटा सम्मानित

काठमाडौं । नेपाली राष्ट्रिय पुरुष क्रिकेट टोलीका पूर्व मुख्य प्रशिक्षक जगत टमाटा सम्मानित भएका छन् । टमाटालाई इलाइट मुभर्स एजुकेसन […]

आसिफ इलाइट मुभर्स एजुकेसनको ब्रान्ड एम्बासडर

काठमाडौं । नेपाली राष्ट्रिय क्रिकेट टोलीका ओपनर आसिफ शेख इलाइट मुभर्स एजुकेसन कन्सल्टेन्सीको ब्रान्ड एम्बासडरमा नियुक्त भएका छन् । हाललाई […]

महिला एसिया कप : पहिलो संस्करण दुई टोलीबीचको सिरिज

काठमाडौं । सन् २००४ मा पहिलो संस्करणको एसीसी महिला एसिया कप भएको मानिए पनि २००४ को सो एसिया कप केबल […]