“काठमाडौंमा छक्का वर्षा गर्नलाई आतुर छु” ईपीएल खेल्ने पक्का भएपछि मोहम्मद शाहजाद

एभरेस्ट प्रिमियर लिगको टिम चितवन टाइगर्सले चर्चित अफगानिस्तान क्रिकेटर मोहम्मद शाहजादलाई दोश्रो विदेशी खेलाडीको रुपमा भित्र्याएको छ।

चितवनले यस अघि पहिलो विदेशी क्रिकेटरको रुपमा पाकिस्तानका डानिश अजिजलाई अनुबन्ध गरिसकेको छ। लिगमा सहभागी टिमले अन्तिम-एघारमा अनिवार्य ३ जना खेलाडी समाबेश गर्नुपर्ने नियम रहेको छ।

विस्फोटक ब्याटिंगको लागि चिनिने शाहजाद विकेटकिपर समेत हुन्। सन् २००९ मा अफगानिस्तानको लागि एकदिवसीय अन्तर्राष्ट्रिय डेब्यु गरेका शहजाद ले कुल ८४ एकदिवसीय अन्तर्राष्ट्रिय खेल्दै ६ शतक र १४ अर्धशतक मदतले ३,०८२ रन बनाएका छन्। यस्तै उनले २ वटा टेस्ट र ६५ टि-२० समेत खेलेका छन्। टेस्टमा ६९ रन तथा टि-२० मा  एउटा शतक मदतले १,९३६ रन बनाएका छन्। सन् २०१९ मा इंग्ल्यान्डमा आयोजित एकदिवसीय विश्वकपमा अफगानिस्तान टिममा रहेका शाहजादले त्यसपछि अफगानिस्तान राष्ट्रिय टिममा स्थान बनाउन सकेका छैनन्।

ईपीएल खेल्ने पक्का भएपछि शाहजादले नेपाली दर्शकलाई मनोरञ्जन प्रदान गर्न आतुर रहेको बताएका छन् – “काठमाडौंमा छक्का वर्षा गर्नलाई आतुर छु । नेपालका प्रशंसकहरु विश्वकै धैर्यवान प्रशंसक हुन् । चितवनबाट खेलेर सबैलाई मनोरञ्जन प्रदान गर्न तयार छु”

चितवन टाइगर्सकि अपरेसन डाइरेक्टर विनिता चौधरीले शाहजादको अनुबन्धले उत्साहित बनाएको प्रतिक्रिया दिईन् “गत वर्ष जहा टुंगिएको थियो, त्यहीबाट शाहजादलाई निरन्तरता दिन पाउँदा हामी निकै उत्साहित छौं । उनी एक स्थापित अन्तर्राष्ट्रिय क्रिकेटर रहेकाले उनको अनुभवलेटाइगर्सको युवा ब्याटिब लाइनअपलाई उत्साह र अनुभव प्रदान गर्नेछ”

चितवन टाइगर्स टिममा मार्की खेलाडीको रुपमा सोमपाल कामि रहेका छन् जसलाई चितवनले काठमाडौँ किंग्स-११ बाट गत वर्ष ट्रेड गरेको थियो। टिममा सोमपाल बाहेक शाहब आलम, दिलिप नाथ, कमल सिंह ऐरी, भिम शार्की, सागर ढकाल, सन्दिप सुनार, इशान पाण्डे, आदील खान, खडक बोहरा जस्ता खेलाडीहरु रहेका छन्।





थप समाचार

नेक्ससले २०० जना क्रिकेटरलाई निशुल्क क्याम्प गर्ने

काठमाडौं । काठमाडौं को पेप्सीकोमा रहेको नेक्सस क्रिकेट एकेडेमीले यस बर्ष see दिने २०० जना क्रिकेट खेलाडीहरू लाई २० दिने […]

पाँचपोखरी टि२० क्रिकेट : पाँचपोखरी र ह्याल्मो-११ फाइनलमा

काठमाडौं । पाँचपोखरी क्रिकेट क्लब र ह्योल्मो-११ ले पाँचपोखरी जिल्लास्तरीय टि२० क्रिकेट प्रतियोगिताको फाइनलमा स्थान बनाएका छन् । मुलपानी क्रिकेट […]

क्यानडाको लगातार दोस्रो जित, स्कटल्यान्डलाई हरायो

काठमाडौं । विश्वकप लिग टू को नव प्रवेशी क्यानडाले गत संस्करणको च्याम्पियन स्कटल्यान्डलाई पराजित गरेको छ । युएईमा जारी रहेको […]

डीसिएल : रोयल्स र लायन्सले उपाधीका लागि खेल्ने

दाङ । दोस्रो संस्करणको नेपाल टेलिकम दाङ प्रिमियर लिगको उपाधीका लागि तुलसीपुर रोयल्स र दंगाली लायन्सले खेल्ने भएका छन् । […]

नामिबियालाई हराउँदै नेपाल फाइनल नजिक

काठमाडौं । अलराउन्डर कुशल मल्लको विष्फोटक अर्धशतकको सहयोगमा नामिबियालाई पराजित गरि काठमाडौंमा जारी त्रिदेशीय टी-ट्वान्टी आई सिरिजमा नेपाल फाइनल नजिक […]

कुशलको अर्धशतकमा नामिबियालाई १८१ रनको लक्ष्य

काठमाडौं । अलराउन्डर कुशल मल्लको विष्फोटक अर्धशतकको सहयोगमा नेपालले नामिबियालाई १ सय ८१ रनको लक्ष्य दिएको छ । टियु क्रिकेट […]