वेस्ट इन्डिजका बलर शैनन गेब्रियलले अन्तर्राष्ट्रिय क्रिकेटबाट सन्यास घोषणा गरेका छन् ।
गेब्रियलले बुधबार इन्स्टाग्राममा एक पोस्ट गर्दै अन्तर्राष्ट्रिय क्रिकेटबाट सन्यास घोषणा गरेका हुन् ।
गेब्रियलले इन्स्टाग्राममा लेखेका छन्, ‘विगत १२ वर्षमा मैले वेस्ट इन्डिजका लागि अन्तर्राष्ट्रिय क्रिकेट खेल्ने जुन अवसर पाए । देशका लागि माथिल्लो स्तरमा खेल्दा मलाई अपार आनन्द मिलेको छ । तर भनिन्छ, सबै राम्रो कुराहरूको अन्त हुनै पर्छ। आज म अन्तर्राष्ट्रिय क्रिकेटबाट सन्यासको घोषणा गर्दैछु ।’
गेब्रियलले पछिल्लो पटक जुलाई २०२३ मा वेस्ट इन्डिजको प्रतिनिधित्व गरेका थिए । त्यसपछि उनी ट्रिनिडाड र टोबागोबाट खेल्दै घरेलु क्रिकेटमा सक्रिय छन्। गत वर्ष उनी अबुधाबी टि टेनमा पनि सहभागी भएका थिए ।
उनले ५९ टेस्ट, २५ ओडिआई र २ टि ट्वान्टी आई खेल्दै कुल २ सय २ विकेट लिएका छन् ।
