Sudurpaschim Province vs Gandaki Province Live



नेपालको लगातार तेश्रो जित, शरदको शतक, दिपेन्द्रको बिस्फोट

Sharad Vesawkar
  • विकेटनेपाल, असोज ७ 

भारतको चेन्नाई भ्रमणमा रहेको नेपाल क्रिकेट टिमले तेश्रो अभ्यास खेलमा तमिलनाडु ‘ए’ लाई १४७ रनले पराजित गरेको छ ।

मुरुगुप्प्पा मैदानमा टस जितेर ब्याटिंग गरेको नेपालले शरद भेसावकरको शतक मदतले पुरै ५० ओभर ब्याटिंग गर्दै ५ विकेट गुमाई ३११ रन बनाएको थियो । जवाफमा तमिलनाडु ‘ए’ ले ४५.३ ओभरमा १६४ रनमै सबै विकेट गुमाएपछि अर्को सहज जित हात पार्यो ।

नेपालको लागि तेश्रो नम्बरमा ब्याटिंग गरेका शरद भेसावकरले शतक प्रहार गर्नेक्रममा ११७ बलको सामना गर्दै ११ चौका प्रहार गरेका थिए ।शतक प्रहार गरेलगत्तै उनि आकाशको बलमा लंग अफमा क्याच आउट भएका थिए । नेपालको लागि दोश्रो अभ्यास खेलमा ज्ञानेन्द्र मल्लले पनि शतक बनाएका थिए ।

चौथो नम्बरमा ब्याटिंग गर्न आएका दिपेन्द्र ऐरीले विस्फोटक इनिंग खेलेपछि नेपालले अन्तिमको ओभरहरुमा धेरै रन बटुल्न सक्यो । ऐरीले मात्र ३७ बलको इनिंगमा ४ छक्का र ८ चौका प्रहार गर्दै ७३ रनको इनिंग खेलेका थिए ।

दिपेन्द्र ऐरीले ४ छक्का र ८ चौका प्रहार गरे

नेपालको लागि ओपनर सागर पुन र ज्ञानेन्द्र मल्लले ४६ रनको साझेदारी गरेका थिए । ज्ञानेन्द्र ३१ रन बनाएरआउट भएका थिए । सागर ७७ रन बनाउदै ३९ औं ओभरमा आउट भए ।  ९९ बलको सामना गरेका सागरले १ छक्का र ५ चौका प्रहार गरेका थिए ।

दोश्रो इनिंगमा तमिलनाडु ब्याट्सम्यान आर सत्यनारायणले सर्बाधिक ६७ रनको योगदान दिए ।

बिशाल जित दर्ता गर्न नेपाली बलर सन्दिप लामिछानेले सर्बाधिक ३ विकेट हात पारे भने करन केसी र सुशील कंडेलले १-१ विकेट दिलाए ।  बसन्त रेग्मी, ललित भण्डारी र दिपेन्द्र ऐरीले पनि १-१ विकेट आफ्नो नाम गरेका थिए ।

स्कोरकार्ड 

नेपालले दोश्रो अभ्यास खेलमा बिहिबार मिलापुर रिक्रियसन क्लबलाई ५२ रनले पराजित गरेको थियो । यस्तै पहिलो अभ्यास खेलमा मंगलबार डीन्डीगुल ड्रयागन्सलाई १५३ रनको बिशाल अन्तरले पराजित गरेको थियो।

भ्रमण अन्तर्गत नेपालले चौथो तथा अन्तिम अभ्यास खेल २५ तारिक सोमबार खेल्नेछ जसपछि सेप्टेम्बर २७ गते फूलपातीको दिन स्वदेश फिर्ता हुने कार्यक्रम रहेको छ ।

(  नोट – फोटो पुरानो प्रयोग गरिएको हो )





थप समाचार

महिनावारी स्वच्छता दिवस : मैत्रीपूर्ण क्रिकेटमा सप्तरी विजयी

राजबिराज बालविवाह अन्त्यकाे लागि मर्यादित महिनावारी नारा संगै महिनावारी स्वक्षता दिवसकाे अवसरमा किसाेरी समूह बिच मैत्री क्रिकेट खेलमा सप्तरी विजयी […]

ICCWCL2 : स्कटल्याण्डसंग नेपालको लज्जास्पद हार

आईसीसी विश्वकप लिग-२ अन्तर्गत नामिबियामा सम्पन्न त्रिकोणात्मक एकदिवसीय अन्तर्राष्ट्रिय सिरिजको आफ्नो चौंथो तथा अन्तिम खेलमा पनि नेपाल ८ विकेटले पराजित […]

स्कटल्याण्डसंग टस जितेर नेपाल ब्याटिंग गर्दै, कुशल भुर्तेल बाहिर

नामिबियामा जारी आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो चौंथो तथा अन्तिम खेलमा नेपाल स्कटल्याण्डसंग खेल्दैछ। युनाइटेड क्रिकेट क्लब […]

एनसिएसएस रुपन्देहीद्वारा पूर्व राष्ट्रिय क्रिकेटर शक्ति गौचन सम्मानित , माधब शर्मा जिल्ला संयोजक चयन

२१ मङ्सिर , २०७९ नेपाली क्रिकेट समर्थक समाज ( NCSS) जिल्ला समन्वय समिति रुपन्देहीले पूर्व राष्ट्रिय क्रिकेटर शक्ति गौचनलाई सम्मान […]

पीएसएलको ड्राफ्टमा पांच नेपाली खेलाडी

नेपाली राष्ट्रिय क्रिकेट टोलीका पांच खेलाडी पाकिस्तानी सुपर लिग (पीएसएल)को ड्राफ्टमा परेका छन् । नेपाली टोलीका दुई विकेटकिपर ओपनिंग ब्याट्सम्यान […]

ICCWCL2 : नामिबियाद्वारा नेपाल पराजित

नामिबियामा जारी आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो तेस्रो खेलमा नेपालले घरेलु टोली नामाबियासँग ८६ रनले पराजित भएको […]